|
الـفـرحـه الـلـي بـقـت عـبـره وحـسـره وقـيـد !!
البال يقطف هواجيس الظلام البليد = وبنت الفكر شامة الفرقا على خدها تبكي على حلمي اللي مات ماهو شهيد = يوم أنتحر بالظروف ولاكسب ودها ثلاثة أعوام مر العيد من دون عيد = للعيد فرحه مع الأفراح ماعدها هناك غلطه وحزن أمي وواقع عنيد = وهنا القلق والوجـّيـه وسالفة صـدها عمري مسيره وقلبي بين نار وجليد = أربع فصول المواجع بيحت سدها اللي بقى جرح يكتبني قديمه جديد = لأطلال تاقف بي الذكرى على حدها والفرحه اللي بقت عبره وحسره وقيد =وسوالف التيه آخر كلمه أردها يارغبة البوح من نزف الوريد .. لوريد = أن جتك كلمه تعيد الجرح لا تهدها دام الملل في حياتي غـير شكله فريد = تنهيدة أمسه تسافر بي على غدها لـو بالقصيده يكون الحلم لحظات أكيد ؟ = قلت لزماني على كل الزمن بدها حتى أني أهرب من العالم لعزلة وحيد = من نفسي اللي تلـهّـف والنوى هدها جينا من أقصى التعب للراحه أربع عبيد = أنا ونار السؤال وجرحي وردها قبل أكتب الشعر وأبحر مع خيال القصيد = كنت أتمنى قصيده جزرها مدها واليوم شـاعـر ولأني في حياتي سعيد = يانبض روحي حروفكِ عاد من قدها البال يقطف هواجيس الظلام البليد = وباقة قصيدي تعبت أجمع بـوردهـا |
الغالي الشاعر منصور الرويلي كل عام وانت بخير وصحه تامه ابو نايف من يصافح نزفك يتلقى منه دروس ان كانت بالاحساس او بالملموس فشعرك دائماهادف ووليد مواقف فعلا انت بحر شعر وامواجه المعاني حقا روعه وابداع صح لسانك وعلا شانك يا ابو نايف وتقبل تحياتي |
بين نار السؤال وبين صـوت السكـون=بين طيش الرصاص وبين دمعـة قهـر بين زفرة خفوق وبين نـزف الطعـون=بين فيض الحنين وبيـن غربـة عمـر بين صمت الحكيم وبين نشـوة جنـون=بين كبـوة جـواد وبيـن هـدة صقـر بين فزة شجاع وبيـن همسـة شجـون=بين طفل المشاعر وبيـن نفحـة عطـر بين مدري أمون وبين من هـو يمـون=هبـت ريـاح قلبـي ويتساقـط زهـر وحلّ فصل الخريف وجف خضر الغصون=وصرت ماأشوف حولي بالنهايه شجـر والهقـاوي كبيـره عندهـا يصغـرون=أعتبرهم حـروفً تنكتـب فـي سطـر والمسافه طويلـه ويـن مـا ياصلـون=كل ماطال دربـي شفـت واحـد صَغـر ويش ذنب القصيد ؟ أن كان مايفهمـون=وين ذنبي أنـا يـوم آتشظـى شِعـر يوم أنا اقـرا الامانـي توهـم يكتبـون=ويوم أنا أكتب زماني مابهـم مـن كُبَـر ولو بعد كل ابُوهـم ياولـد .. يكبـرون=والله أن الـذي يكسـب حديهـم خسـر وبين نار السؤال وبين صوت السكـون=صرت طيش الرصاص وصرت دمعة قهر |
منصور الرويلي قصيده رائعه وجزله وننتظر جديدك بلهفه تقبل اطلالتي |
النقي سفير المعاني . الاروع شعورك النبيل يالغالي |
قصيده نقشتها على صخور الذات كانت مابين الصد ورد بصمات الاحساس التي اوردتها فيها صور ابداعيه ثريه يشع وميضها ببريق المعاناه التي طغى نورها في سماء المكان من مطلع الوجدان ولله درك يافنان الاوزان ودم بحب وحفظك الرب |
اخوي الشاعر منصور الرويلي موغريب الابداع عليك قصيده روعه بمعنى الكلمة تلامس الاحساس صح الله احساسك اخوي ولاتحرمنا من جديدك اختك شــ الفجر ــوق |
منصور الرويلي ابداع بابداع
كتبت فاجدت الكتابه وصورت فاجدت التصوير تقبل فائق احترامي أخوك |
الرائع عادل الخالد . شكراً لك ولسمو حضورك سعدت كثيراً بما تركه قلمك هنا لك التقدير والاحترام . |
الـــــــــــــشاعر الرائع اخوي منصور الرويلي ابدعت بالشعر صــــــــــــــــــــــــــــــــــــــــح لـــــــــــــــــســـــــــــــــانكـــ |
| الساعة الآن 02:50AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية