|
..يوم الذكرى..
بسم الله الرحمن الرحيم بمناسبة اليوم الوطني لمملكتنا الغالية المملكة العربية السعودية يسعدني ان اضع بين ايديكم هذا المتواضعه داعيا المولى عز وجل ان يحفظ لنا امننا واماننا بقيادة ملك القلوب خادم الحرمين الشريفين الملك عبدالله بن عبدالعزيز وسمو ولي عهدة الامين سلطان الخير سلطان بن عبدالعزيز حفظهما الله... { يوم الذكرى }
إي سـعـودي وافتـخـر بعـقـالـي=والـوطـن حـبـه هـنــا يهـنـالـي اتـغـنــى بــــه وفــــي مــوالــي=الـعـب الـزيـفـان واهـتــف يالله ديمـهـا فـرحــة عـلــى ديـرتـنـا=ديـــرة دسـتـورهــا مصـحـفـنـا هــوه مرجعـنـا وهــو غيـرتـنـا=كتابنـا محـفـوظ مــن عـنـد الله افرحـوا يالشعـب بيوم الذكـرى=لمـا ابـو تركـي غزاهـا مسـرى بأربعيـن مـن الـرجـال العـسـرا=وحـــد الــدولــه فـيـرحـمـه الله بــأول المـيـزان ...ابــو تـركـي=اســس الـدولـه وزال الشـركـي افـرحــي يـادولـتـي مـعـطـركـي=ســنــة مـحــمــد وكــتـــاب الله واهتنـي فـي ظلـل رجـل حبيـب=رجل عنـد الشعـب قلـب رهيـب كـــل هـمــه الـمـواطـن طــيــب=دعـوتـي يـانــاس يحـفـظـه الله نــــزل الـمـيــدان وزاد بـحـبــه=وشاف كيف ان المعيشه صعبه لله دره اعـتـنـى فــــي شـعـبــه=يـا حبيـب الشعـب يــا عـبـدالله زود الـراتــب وقـــال ارتـاحــوا=وارخـص البنزيـن لمـا صاحـوا صــار بلـسـم للعـنـا وجـراحـوا=وارتــقــى بـالـحــال قــــواه الله واهتنيـنـا فــي رغـيـد العيـشـه=وقامـت قروشـي تزيـد قريـشـه حتى جانا تاجـر ينفـض ريشـه=رفــع الأسـعــار يـــا وجـــه الله يـابـو متـعـب يالعـزيـز الغـالـي=زادت الأسعـار وســاء الحـالـي وانـقـلـب مـعـذوبـنـا غـربـالــي=حـلـهــا بـيـديــك يـنـصــرك الله مـالــنــا بــعـــد الله الا فــالـــك=حـلـهـا يـــا جـمــل الله حــالــك حـن عصاتـك قوتـك ورجـالـك=والـفـرج بأيـديـك ان شـــاء الله يابو متعـب يـا عصابـة راسـي=ياحبـيـب الشـعـب يالقـرنـاسـي نشـهـد انــك للفـخـر نومـاسـي=وللـوطـن حـاكــم وبـشــرع الله يـابــلادي اهـتـنــي وارتــاحــي=دام ابـو متـعـب اعــز سـلاحـي وابـو خـالـد بلسـمـي لجـراحـي=ســنــدك سـلـطــان يـاعـبــدالله وسلاااامتكم اخوكم احمد المنتشري بوح القصيد |
اخي الشاعر ((( بـوح القـصيد ))) صح لسان واعتلا شانك علي هذه الابيات الرائعة والمعبرة ودامت مملكتنا الغالية بكل عزة ورفعة وسمو وتقبل مني هذه الابيات اليوم عمت دارنا نــور وأفــراح بيوم الوطن ياعزنا وكل الأوطان في ظل أبومتعب علينا الفرح لاح ابو الجميع وحنا في ظله إخوان الله يديــمه بالســعد دووم مـــرتاح القــايـد اللي صــار للطـيب عنــوان دمت سالما سعيدا .. .. نيفين |
المنتشري صح لسانك على هذا الوفاء الجميل ابدعت |
صح لسانك وعلى شانك
اخوي احمدالمنتشري قصيده رائعه بماتحمل من سمو الكلمه حفظ الله ملكنا وطننا شعب الحبيب من كل مكروه وفقك الله ورعاك دمت بحفظه |
الغالي
الشاعر احمد المنتشري تسلم على هذه القصيده الوطنيه وبيض الله وجهك وبارك فيك يالغالي تقبل تحياتي |
هلا وغلا بالشاعر احمد المنتشري تسلم يمينك على هذه القصيده الشامخه في الوطن والوطن يستحق الكثير والغالي والنفيس فدوى لترابه كل عام وانت والوطن بخير في ظل قيادتنا الحكيمه وحفظ الله المملكه بقيادتها وشعبها من كل مكروه كل الشكر والتقدير لك تحياتي واحترامي |
| الساعة الآن 06:20AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية