على قلبي يحوم كل يوم من الهموم افواج=الى جاالليل والعربان كلن نام خجنه
الى صكن عليه اونس اضلوعي كنهاتنعاج=يجي له صفق من بين الضلوع الى تحادنه
تضيق ابي الوسيعه ميرلاحيله ولامخراج=يطول الليل سهرن والعيون النوم عافنه
من السهرانعمس فكري وراسي صاربه رجاج=ومع ماصابني صابرواخفي الهم واكنه
اقول الصبريبينهج لي مع ساقته مدراج=لكن السهرماخلاني اصبرطاربي جنه
نصيت الصيدلي وانخاه عطني من دواك علاج=ثلاث ايام نوم الخلق عيوني ماتحلنه
تعذرني يقول الله يعجل ساعة الافراج=مريض الهم ماله عندي احبوبن يداونه
نحل حالي ونش وراح كنه سلة الكرباج=اهل الدمع مماحل بي واجرلي ونه
اون من الزمان اللي علي احمى حديدالصاج=حداني للهلاك وقام يمزرجلدي بسنه
تحداني وفصل بالحشى له مكتبه وادراج=وصف ابهاالهموم وقال لاجاالليل جزنه
ابيه يصيرمثل اللي تصافق روحه الامواج=حياته بين حي وميت اعضوده مايشيلنه
علي النارولعهاوخلى جمرهاوهاج=حمم بركان لو جن المطافي مايطفنه
لكن مشكاي للي ينشكى له حزة الاحراج=جليل الملك ربن بشرالاصحاب باللجنه
ابارفع له يدي واطلب والبي تلبية حجاج=عظيم الشان جزلن بالعطى يعطي بلامنه

اخي الشاعر
((( ابراهيم اليحيا )))

الله يعطيك العافيه
ابدعت ماشاءالله عليكم
صح الله لسانك
مدد بلا عدد
ودمت سالما سعيدا .. .. نيفين