|
تسوين ياام نواف مية..وقبيلة
(سليلة الكلمة الفارسة)
(بـرقٍ تلالا)فـي سمـاء الكتابـة=قلنا :ابشري يارض الشعور المحيلة وشمس تجلت في عيـون الغلابـة=يشتاقهـا منهـو غشتـه الظليلـة ياحظ قلبـي يـوم قلتـي :هلابـه=في ملتقاك اللـي عيونـي تشيلـه طاير بفرحي في جـواب لجوابـه=شاعر ويفرح في جواب الجميلـة بنت الفهيم اللـي بحرفـه ذرابـه=الفرقـد اللـي للعـوالـم دليـلـه ياالنخلة الشمـة وعالـي رطابـه=تردين من عين السحاب الفضيلـة واذا انحنيتي في شمـوخ ومهابـه=كالسنبلة تعطيـن جـود الحصيلـة بنت الشعر وأختـه ودون القرابـة=جزلـه وماتهويـن إلا الجزيـلـة بنت العظيم اللـي عظيـم جنابـه=للـيـوم والله مالقيـنـا بديـلـه راع الكفوف اللي تماري السحابـة=لا مدها تشفـي وتـروي العليلـة ذاك أبوزيـد المسمـى ضـرابـه=ياشين حظ اللـي يلاقـي سبيلـه خال الملوك اللي قصيدي زهابه=اخوان نورة طيبين الخصيلة تبكـي عليـه أقلامهـا والكتابـه=والسيف والدلة وسـرج الأصيلـة انتي من عروقـه ولابـه غرابـه=حيثك مـع كـل المواقـف سليلـة ولله فلانـي مجاملـك لاغشى به =تسوين يام نواف ميـة .. وقبيلـة حماك ربي مـن عيـون الكلابـه=وجنب عيالك عن دروب الرذيلـة عبدالكريم العفيدلي دمشق 22-08-2008 تنويه :النص عدل قليلاعن النص السابق |
الغالي الشاعر عبد الكريم
قصيده تعبير عن المشاعر الفياضه لام نواف اللهم عافه واشفه بكرمك ولطفك يا ارحم الراحمين انه سميع مجيب دعوة الداعي اذا دعاه ام نواف تستاهل وانت ماقصرت صح لسانك مـــــــــدد بلا عـــــدد تحياتي |
صح لسانك الشاعرعبدالكريم العفيدلي
قصيده رائعه بماتحمله من معاني ساميه تستاهل ام نواف ملايين القصايدحفظها الله من كل مكروه ودام عليها وعلى ابنائهاالصحه والعافيه وطول العمرالمديد كل الشكروالتقدير لشخصك الكريم لاهنت دمت بكل خيرومحبه |
بنت الشعر وأختـه ودون القرابـة جزلـه .وماترمينهـا إلاجزيـلـة بنت الأمير اللـي عظيـم جنابـه محمـد الأحمـد زبـون الدخيلـة راع الكفوف اللي تماري السحابـة لامنها تشـدو ب..تـروي العليلـة ذاك أبوزيـد المسمـى ضـرابـه ياشين حـظ اللـي يلاقـي سبيلـه خال الملوك اللي قصيـدي زهابـه اخـوان نـورة طيبيـن الخصيلـة رحم الله الأمير محمد السديري رحمة واسعه عبدالكريم العفيدلي قصيدة وفاء رائع و جميله بارك الله فيك أخي العزيز وحياك الله بين أهلك و أخوانك رائع ماخطه قلبك هنا قبل قلمك صح لسانك |
ايها الطائر المفقود
لقد فقدنا كل حوارحنا برائعتك هذه جزله وماهي بهزله وتستحقها ام نواف عز الله انها مثل النخل ما تحنيه الايام الله يشفي مريضها بالسلامه تقبل مروووري أخوووووووووووووك أبو أحمد |
اقتباس:
لن أزيد عن الكلام أعلاه لسفير المعاني وحفظ الله نواف وأم نواف من كل شر تقبل فائق تحياتي |
سفير المعاني ..
شكرا لمرورك ايها الغالي دمت بود والق |
شموخ نجد .......شكرا لمرورك
وتستاهل ام نواف الله يطول بعمرها ويشافي نوااااااااااااااف ويعافيه لك ودي الخالص |
خليل العجاج ..............
شاكر مرورك اخي الكريم ورحم الله الفرقد السديري لك ودي |
اخي الشاعر ((( عبد الكريم العفيدلي ))) صح لسانك حتى ترضى قصيده رائعه بماتحمله من معاني ساميه تستاهل ام نواف حفظها الله من كل مكروه ودام عليها وعلى ابنائهاالصحه والعافيه وطول العمرالمديد ودمت سالما سعيدا .. .. نيفين |
| الساعة الآن 04:51AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية