|
( صـاحـبـي يـا صـاحـبـي )
بسم الله الرحمن الرحيم السلام عليكم ورحمة الله وبركاته يسعدني أن أقدم لكم هذه القصيده الجديده بعنوان ( صاحبي ياصاحبي ) على ( لحن العرضه ) لحن قصيده الشاعر الكبير ( ناصر الفراعنه ) ( ناقتي ياناقتي ).. واتمنى أن تحووز على رضاكم..أقول فـيـها :
صاحبي يا صاحبي بعدكم كلي جروح=عقب فرقاكم وأنا صرت مكسور(ن) جريح حبكم في مهجتي يالغلا شيّد صروح=وأنت تعرفني وأنا دايماً معكم صريح حبكم في خافقي مثل مسمار(ن) فـ لوح=ثابت(ن) مثل الجبل ما تهزه أي ريح حبكم ياصاحبي مثلما برق(ن) يلوح=في سمانا ضاوي(ن) والمطر بعده يطيح حبكم مثل الزهر عطره الوردي يفوح=لاعدمنا وردكم عطركم ماهو شحيح وصفكم بدر اكتمل في شهر كله وضوح=نوره العالي سطا وأنت ياخلي مليح لجل حبك يالغلا عاين الورقا تنوح=فوق غصن امن الشجر هزه الشوق الكسيح لجلكم صاغ الغزل شاعر(ن) كله جموح=خابر المعنى كفو عارف المعنى صحيح انتقي من صفوة الشعر أنواع الطروح=طرحنا في حبكم مثلما دم(ن) يسيح من مشاعرنا تجي ولـمشاعركم تروح=من محب(ن) غارق(ن) في بحر حبك طريح لا يطول غيابكم ليت قدمت الشروح=أشرحوا ويش السبب ياحبيبي واستريح كان تدرس ياعسى في دراساتك نجوح=وكان شين غير ذا ياعسى خير(ن) فسيح شاغل(ن) فكري ترا حاير(ن) من غير روح=لو بدر مني خطا منكم العذر استميح أرتجي في وصلكم تختفي كل الجروح=ياعسى ياصاحبي بيننا الفرصه تتيح من نويت افراقنا ما نوى همي نزوح=يالله أني طالبك كل هم(ن) لي تزيح وســـلامــة الجميع.. |
اخي الكريم بدر يسعدني ان اكون اول المصافحين
لقصيدتك الشامخه باسلوبها ومفرداتها ولحنها انت شاعر متمكن ولك باع طويل بعسف القوافي لاعدمتك تحياتي |
لجلكم صاغ الغزل شاعر(ن) كلـه جمـوح خابر المعنى كفو عارف المعنـى صحيـح انتقي من صفوة الشعر أنـواع الطـروح طرحنا فـي حبكـم مثلمـا دم(ن) يسيـح من مشاعرنا تجـي ولمشاعركـم تـروح من محب(ن) غارق(ن) في بحر حبك طريح شاعر كفو ومعنى كفو (والنعم فيك) لا يطول غيابكـم ليـت قدمـت الشـروح أشرحوا ويش السبب ياحبيبـي واستريـح كان تدرس ياعسى في دراساتـك نجـوح وكان شين غير ذا ياعسى خير(ن) فسيـح ان شاءالله خير يابدر الله يطمنك عليه شاغل(ن) فكري ترا حاير(ن) من غير روح لو بدر مني خطا منكـم العـذر استميـح فوق هذا كله تعتذر بعد أرتجي في وصلكم تختفـي كـل الجـروح ياعسى ياصاحبي بيننـا الفرصـه تتيـح من يعلم قد تتاح الفرصه من نويت افراقنا ما نـوى همـي نـزوح يالله أني طالبك كـل هـم(ن) لـي تزيـح آمين ويزيح همومنا كلنا يابدر صح احساسك ولسانك الغالي بدر ابدعت على هذا اللحن الفرعوني تحياتي لك ولاهنت |
من نويت افراقنا ما نـوى همـي نـزوح يالله أني طالبك كـل هـم(ن) لـي تزيـح آ اللهم امين يا بدر صح لسانك وكلك قصيده رائعه لشاعر رائع الله يفرج علينا جميع .. ويزيح همومنا كلنا يابدر . دمت متألق دوماً .. لي شرف المرور دام نبضك وابداعك تحياتي لك رهب |
الشاعر / بدر بن صقر كنت البدر في هذا الفضاء الشعري أجدت المبنى والمعنى فأتتنا قصيدتك تختال بالجزااااااااااااااااااااله دام نبضك أخي الكريم ودمت في رعاية الله |
اقتباس:
أخوي الغالي ( سفير المعاني ) تشرفني شهادتك وتراها وسام شرف بعلقه على صدري.. مشكور ولاهنت على مرورك الكريم وتعليقك الطيب ياطيب.. وتقبل تحياتي،، |
اقتباس:
أخوي الغالي ومبدعنا ( خلف الشلهوب ) هههه اعرف معنى الكفو ويردون عليها ماعليك زوود يالقرم هههه.. صح الله بدنك.. ومشكور ولاهنت على مرورك الكريم وتعليقك الراقي. وتوقع من حزب العقارب والثعابين :d وتراني معك ضدهم اقرا توقيعي:d.. وتقبل تحياتي،، |
اقتباس:
الأخت الغاليه الرائعه ( رهب ) صح الله بدنك يالغاليه.. أنا اللي لي الشرف بمرورك يالغاليه.. مشكوره ولاهنتي على المرور الكريم والتعليق الرائع.. وتقبلي تحياتي،، |
اقتباس:
أخوي الغالي ( محمد الحارثي ) شهادتك واشادتك فخر لي ووسام افتخر فيه.. مشكور ولاهنت على المرور الكريم والتعليق الجميل يالغالي.. وتقبل تحياتي،، |
صح احساسك ولسانك بدر
نسجت هذه الكلمات بابداع قيم موغريب عليك ماننحرم من جديدك كل الشكروالتقدير دمت بكل خيرومحبه |
| الساعة الآن 03:38PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية