|
ماطاه فوق القاع لو يحدث غبار+ يسوى ((لميس ))ومن نصاها يعاني
 ماهو بكيفي لاتقولين وش صار =هذا جنون العشق والله بلاني أغار والله ولعت غيرتي نار=وماعاد أثبّت هرجتي في لساني أنت ِ عريبة ساس من نسل الأحرار=وأنتِ فخر وأنا أحمد الله عطاني سطوة غرامك خلت العقل ينهار =الله حسيبك كيف سهمك رماني كنت أحسبني فارس العشق مغوار=لكن تعثر فوق أرضك أحصاني سمو أميره حكمها صار جبار=ونعيمها أ عظم نعيم ابزماني عنيدت(ن) ماعمرها ساقت أعذار=ورهف من الورده بلطف الياني تملك عقوق الوصل مع حبها البار=تهوى عذابي وتستقر بكياني أختار غيره صعب ماغيره أختار=فيه الكمال وفيه سحر البياني ماطاه فوق القاع لو يحدث أغبار =يسوى لميس ومن نصاها يعاني محشومت(ن) ماهزها نشوة الطار=ولافاح عطره لامشى بتزاني الجوهره مصيونت(ن) داخل الدار=ولا شنفت سمعه ابصوت الأغاني مسكانها بأرض العلا بنت الأخيار=بين الجبال وبين ذيك المباني من دونها حصن(ن) منيع(ن) وجزار=زيزوم ربعه شامخ(ن) بالمعاني له مجلس(ن) ينساق به بن وبهار=وعلى هلا ياما ايبرّك صياني جلست وزنه بعد ماخذت الأخبار=وبديت ماكنيت هرجة ثواني وأحتار من صيدي وأنّا منه محتار=وضح النقاء ماحط به علم ثاني قال أنفهق يامسندي وأنت سبار=وأنّا برد العلم كنه لفاني وبانتظر عسى مطاليعها أنوار =وإليّ غشاها بالمحبه غشاني ومن بعدها نسوقها سر وجهار =زمل(ن) رحاها يدرج بالسواني دامي ولد شيخ(ن) على الطيب صقار=لأ صلك بأمر الله وعهدك أماني عادل مطلق الخالد 1429-7-13 |
اخي الكريم لقد اكرمتنا بهذا النص الشعري الشامخ
لما يحويه من تصوير حاله سايدة بفكرك ومتملكه لمشاعرك صح لسانك وصح كلك مليون ولا يكفون وبيض الله وجهك ياخالد تحياتي |
,’ عَزَفتَ مَقطُوعَه غَزَلِيَه غَآيَه بِـ العذُوبَه وَ الجَمَآلْ .. عَآدلْ الخَآلِدْ ./ :r: }’ إِسْتَمتَعتْ بِقِرَاءَتِكَ هَذَا المَسَاءْ .. صَحْ لِسَانَك . وتِسْلَمْ يَمِينَكْ .. دُمتَ تَكتُبَ لنَا الأَجْمَلْ .. :r: |
عادل الخالد
صح احساسك ولسانك على هذا الجمال تحياتي واحترامي لك ولاهنت |
اقتباس:
الذي صافح الحرف والمشاعر بعاطفة المتذوق الصادق تحياتي |
اقتباس:
دمت بخير |
اقتباس:
القدير خلف الشلهوب دامت ايامك بالهناء والمسرات لك التقدير على هذا التواجد |
| الساعة الآن 07:01AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية