|
بدر الدوسري × ناصر العجمي
السلام عليكم ورحمة الله وبركاته أحب ان اقدم لكم هذه المحاوره بيني وبين الشاعر / ناصر بن محمد بن جعشه الضاعني العجمي ... ناصر الضاعني: سلامي سلام(ن) مايقدر بالأثمان أسوقه على روس الرجال الشهيره ألا يابدر لوغبت مع طول الأزمان أصير الحزام اللي فقد له ذخيـره بدر العجالين: سلام(ن) لفانا من هل العز والشـان عسى الله يسلكهم دروب(ن) منيـره وألا يبن جعشه وافي(ن) دون نقصان نعرف الرجل إليا بـدا فـي مسيـره ناصر الضاعني: عسى الله يبارك فيك ياطير حـوران وكل(ن) له احدود(ن) ودار(ن) وديره تحزم وشد الحيـل والعلـم لا بـان تطول المسافه والمسافـه قصيـره بدر العجالين: تجيك العلوم اللي لها بحور وأوزان نسوق القوافي والمعانـي كثيـره تحزمت بلي خالق(ن) كل انسـان إلهن كريم(ن) مالنا اليـوم غيـره ناصر الضاعني: تهيض وقول العلم لا فلان وافلان وكل(ن) على ماقيل يعرف مصيره يا راعِ الفرس يلي بلا سرج وعنان ترى الوقت والدنيا رحى مستديـره بدر العجالين: علومي تنومس من لها اليوم طربان مصيري واعرفه جعله اليوم خيـره نعسف الفرس حنا بلا سرج فرسان ولا دار وقت(ن) رغم عنـه نديـره ناصر الضاعني: ترا ياطويل العمر ماني بغلطـان ودور حكيم الشور ثم استشيـره أنا وأنت ياطير السعد وسط ميدان وكم واحد(ن) فالوقت ماطار طيره بدر العجالين: ترا كل علم(ن) مرتبط له ببرهان وعلمك جزيل(ن) ماخبر فيه حيره وألا ياصحيبي نعرف الوقت لا حان ووقت الهدد عندي طيور(ن) خبيره وتقبلوا تحياتي ولا تحرمونا من ردودكم وآرائكم... |
,’ مُحَآورَه [ رَآئِعَه ] بَلْ أكثَرْ .. صَحْ لسَآنكْ و سَلِمَ فِكركْ .. دَآمتْ أروآحكُمْ تَنبضْ بِـ العَطَآءْ .. :r: |
صحت السنتكم ولاهنتم اخواني الشعراء
|
اقتباس:
الأخت الغاليه ( تَحيّة مَلآئِكيَة ) صح الله بدنك يالغاليه.. والروعه كلها في مرورك الكريم.. مشكووره ولاهنتي.. تقبلي تحياتي،، |
اقتباس:
أخوي الغالي ( زحزيح العنزي ) صح الله بدنك.. ومن قال لاهان يالغالي.. مشكور ولاهنت على المرور الكريم.. وتقبل تحياتي،، |
استمتعت بقرائتها
صح لسانك ولسانه ابدعتو يا الشعار |
بدر
بيض الله وجهك ياابن عمي والله ان هرجك وشعرك يرفع الراس يامسندي تقبل مروري وباذن الله قريب اتحاور انا وياك بس ماشفتك ترد على مواضيعي ودي تشوفها وتنومسني بردودك:thumb: |
اقتباس:
أخي الغالي ( خليفه المزروعي ) لي الشرف يوم استمتعت بقرائتها يالذيب.. صح الله بدنك.. ومشكور ولاهنت على المرور الكريم.. تقبل تحياتيــ |
اقتباس:
أخوي الغالي ( مشبب الدوسري ) أررحب يالرجباني.. وجهك ابيض ان شاء الله.. وماعليك زوود.. وتم الرد على مواضيعك ابشر يا ولد العم.. ومشكور على المرور الكريم.. تقبل تحياتي،، |
سلمت يمناك
محاورة رائعه |
| الساعة الآن 08:03AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية