|
قصة بنت كانت تطالع واحد بعين قويه المهم الرجال طلع شاعر وماقصر فيها كم بيت عشان تتأدب
قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟>>>>> كل شبر بهالوسعيـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون قلت سنّـة هالحيـاة وحـن ترانـا مؤمنيـن الله اللـي مسيّرنّـا بيـن كافـ وبيـن نــون وكل أبونا نختلف مع إننا مـن أصـل طيـن سبحان يلي مصورنا ولله في خلقـه شـؤون يعني حنا كل أبونـا عـاد إسمنـا بنادميـن وليا قضى ربك أمر وقـال لـه كـن فيكـون فينـا يلي رازقه خيـر رب العالمـيـن وفينا يلي هو لعطفه بحاجة القلـب الحنـون وفينا يلي مـا شكـى مـن علـةٍ كالآخريـن صـمٌ و بكـمٌ و عمـيٌ فـهـم لا يفقـهـون بس قليل عـاد فينـا للنعـم هـم شاكريـن والله يرزق هالخلايق م ن حيث هم لا يعلمون وتدري عاد يالكفيفة حنا تراى متشابهيـن وإن ماانعمت أبصارنا قلوبنا هـم إللي يعتمـون يالكفيفة يالعفيفـة إن قلـت آسـف تقبليـن؟؟ ياعمري |
ياعمري
قصة وحوار ممتع وشيق اختيار في قمة الذوق كيف لايكون كذلك وهو من ذائقة ياعمري الراقيه تسلم يمينك ياعمري وكلك ذوق تحياتي واحترامي وتقديري |
الشاعر القدير : خلف الشلهوب
عزيزي تشرفت عيناي بقراءة ردك و ثنائك أتمنى دائماً أن يرقى إليكم كل ما انقل أشكرك من الأعماق كن بخير دائماً و أبداً ياعمري |
شكرا لك ياعمري ما تطرحه مفيد
سلاااام |
يعطيك العافية على القصيدة الرائعه
ياعمري تسلم على نقلها لنا واختيارك تقبل مروري وتحياتي |
المتزن يفوق الوصف الله لايحرمني من وجودكم الدائم والعطر دمتم بخير وعافية يارب ياعمري |
يا عمري
تحياتي وتقديري لك |
قصيدة في منتهى الروعه
فصح نقلك وصح لسان شاعرها والله يعيطك الف عافيه على هذا النقل المميزة ففكرتها رائعه وحساسه فجأتني ... تالق كاتبها تحياتي لك وشكري .. |
| الساعة الآن 10:32PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية