|
موااقف البنات في شهر العسل
أولاً
تقول الاخت زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو بس تكفى لايحط فلفل زوجها تسدح من الضحك وهي تقول احسبها وجبه او طبق معين ========================== ثانياً في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على باله تزوج وحده ماهي صاحيه =========================== ثالثا وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه مير تطير الزيتونه وتصقع وجه الجرسون وهو ياخذ الطلبات قام قال عنا في لبنان ناكل الزيتون بايدنا عاد مير ما اسكت وأنثبر قلت غريبه حنا عنا بالسعوديه نصيدها بالشوكه وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ =========================== رابعا وحده تقول انا متزوجه ولد عمي و أول ما تزوجنا رحنا بريطانيا منها شهر عسل ومنها هو عنده دوره المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار قلت ليش طايحه من عينك انا اعرف اختار المهم تقول اخترت طلب محطوط في اطار وحركات قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !! ============================ خامسا يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها ============================== سادسا بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت ============================= سابعا هذي وحده تقول اول ما تزوجت كنت ادرس وكان يوديني زوجي للجامعه وياخذني المهم انا جالسه انتظره وكنت واقفه في الشارع واشوفه بعد كم سياره المهم جلست استـناه يوم وصل عندي وانا امشي بغنج الا واطيح ذيك الطيحه طراااااااااااااااااااااخ جلست على ألارض ما يشوف الا راسي من عند شباكي جالسه اناظره ولا اتحرك وكان الشارع مليان رجاجيل وبنات واركب في السياره وهو ميت من الضحك واجلس اصيح قلت ما تعرف تسمي علي ============================== وأخيراً هذا الموقف قرأته بمجله وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين. :d |
هههههههههههههههههههههههههه قسم بالله مت ضحك واللي تقولك
انها بشهر العسل ضيعت زوجها كنا بماليزا وانا ماعمري طلعت المهم كنا بسوق شعبي وكنت ماسكة كتفه من الزحمه وبعد شوي اطالع الاقيني ماسكة كتف رجل ماعرفة كيف وشلون مدري وهات ياصياح وبكى لين جاء شرطي وكان زوجي معه ياشين الغربة |
هههههههههههههههههههههههه
يفوق الله يقطع ابليسك وقفات رائعه وخطيره لاتنسي من جمالها وعفويتها ويش رح تسوي انت يامجرم يوم تعرس ^_^ مشكور يابعدي |
هههههههههههههااااي هههههههههههههااااي الموضوع مكرر يا يفوق الوصف يسلموووووووووو ياعسل ياعمري |
اقتباس:
خطير هالموقف وأبشرك مو بعد سنه بعضهم بعد كم شهر :d صدق من قال الرجال ماينعطون وجه:tomato: <<<أعصابكم شباب لحد يشيل علي :s20: يفوق يسلموووووو وأنتظر القصف على التماسيح وهم عرسان:s9: |
ههههههههههههههههههههههههه
نجمة الليل لا يكون هو انتي بس الي مضيعه بماليزا ؟؟ اسعدني مرورك وتواجدك واضافتك الساحرة تقبلي كل الود مني |
هههههههههههههههههههههههههههههه
خاطر ليا اعرست بعلمك تراني شديد مع الحريم والزوجات<<<<<<<<< هههههههههههههههه لا تصدق يعطيك العافية خطووور بس انت علمنا وش يصير عليك لك كل الود والتحايا خاطر |
هههههههههههههههههههههههههههههه
جينا لحركات يا عمري قال مكرر يا حسوووووود هههههههههههههههههههههه طيب يا عمري ليعونك نلغي الموضوع لك كل الود مني هههههههههههههههههههههههه |
ههههههههههههههههههههههههههه
عطر اجل الي فتحنا على انفسنا باااااب ههههههههههههههههههههههههههههههههههه خلاص توبه ما عاد بقصف عليكم ههههههههههههههه اسعدني مرورك وتواااااجدك لك مني كل التحايا والود |
موضوع مرررررة حلو ومواقفه تحدث كثير
يعطيك الله العافيه |
| الساعة الآن 02:37AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية