البارحه والشوق فـ الصدر وقّاد = وعيونك الثنتين ساس الوقايد
والعين لانامت ولاسهدها فاد = والقلب يكفخ في ضلوعي محايد
كلّه على شانك ياأبو رمش صياّد = يااللي لبست الزين لبس القلايد
ياللي تقود ولاحشى منت تنقاد = لأنك كذى مخلوق في الأصل قايد
شربت حبك شرب وأتبعته الزاد = وحطيت مابين الضلوع الزوايد
ماخفت من حاسد ولاخفت نقاد = أسمع ندى قلبي وأكب النقايد
لو إنها تاتي من جموع وأفراد = لأني أعرف إني خوي الفرايد
وإن الكلام اللي يجي هرج حسّاد = والحسد مايخفى وسيع البنايد
أعرف صديقي وأعرف الحاقد الحاد = اللي فؤاده من لضى الحقد جايد
ياصاحبي صاحبك له خافقٍ جاد = حبك مسوي في خفوقه بلايد
أرفق ترى ماهي كذا ياإبن الأجواد = ترى الهوى سلمٍ قديم وعوايد
حبٍ عفيف وصادق وواضح وجاد = هذا الهوى ما للمحبه جدايد
ماهوب حب اليوم ياحب الأولاد = حب الخداع اللي بهالوقت سايد
عزّاه يامن لاجها الليل رقاّد = ماذقت هم ولاعرفت النكايد
ولاعرفت الحب وجهاده جهاد = الله من بذ الخفى والجهايد
لو إن له في قلوبنا طِنب وشداد = وإنا بدون الحب ناسٍ رعايد
يعني لو إن الحب في قلوبنا باد = نبى نشوف الكون فالعين بايد
ياموجعٍ قلبي لك القلب مداد = أوجعتني بالحب وألاّ أنت نايد
أهواك وأقرب منك لين الغلا زاد = سهم الغلا وزّع جميع الفوايد
ياملهمي للشعر شعري لك نقاد = وأكبر دليل إنك حصرت القصايد
تبغى الصراحه ياهوى خافقي.. عاد = ياجعل يومٍ جيتني فيه عايد

.

وَ لـ / ِالحَدِيثْ هُنَا عِنوآنٌ أَخرْ ..
سَلِمْتَ عَلى رُوحْ النَبضْ هُنَا ..

مَوَدَتِي .. :r: ..}’