سوالف خَطّها قلبي .. على متن الزمن بسكات=بعد .. ما شاف هرجاته تبح النبض من صوته
زَمانٍ في الحَكي .. ماله تِردت في مداه أصوات =شَكت من ضيقته / حظه .. كبيرة محنة اسكوته
تِجَمّد ما بقى من نثر روحي .. ما بقى [زخات]=وهن .. لا من دموع الود .. حَواها جوف تابوته
حبسها .. شربةٍ .. تروي .. شقوق الهم و الونات=جبرها .. تنطوي بينه .. صراخ ارواح مكبوته
بشدة نزفها ثارت .. عبث .. و تلونت حالات =حرمها ذوق رمانه .. حرمها من شِفا توته
عطش و الجوع ينهشها بأقسى و أحلك اللحظات=ترجت ليت رجواها .. منحها .. الفرح فتفوته
ظلام .. و مسكن الغربة .. تِمثل في لهب دَمعات =على خد الورق تسري .. عباير دم .. موقوته
جفافٍ سادها .. و احرق نِداها .. في غضى جمرات=حدت بعض الأمل .. يعلن غيابه .. يهجر بيوته
مرار .. بخنجرٍ صامت .. تِــودّع موطن الزفرات=تعب .. من حلكة أحواله .. و ضيقة نفسه و قوته
عذوقي .. حلمها تنهي .. مآسي من حياة أموات=تلملم .. جرحها .. بدري .. قبل لا يسبقه فوته
سكون .. و وقتنا ينظر سكوته مثلما دانات=لزومٍ نتبع اخطاها .. نخلدها .. بـ/ منحوته
ابحكي من شفاهـ / الحُب .. و انسى ما جرى بالذات=و كل اللي مضى .. علقم .. و حانت لحظته/موته
كسرت الهاجس و جـوعي ..تسدهـ / سكبة الهمسات=و خبز .. العشق .. يكفيني .. لجل ابدا .. بأنبوته
غرامي أرضها .. و الحلم .. اسقيهـا .. معا الدقات =و نبضــات الهوى نسمة .. بدت في داخلي نوته
زوايا عاشقه .. و الفكر غامض .. اكثره شطحات=و حسّي رد لي ثاني ..بعــد مـا كنت مكبوته
ابيّض صفحتي و ابدا .. بعمري .. للهنا ..صفحات=سوالف خطّــها قلبي .. تِجَـرّح للزمن .. صوته

مرور أول

صح لسانك


والف مليون مرحبا


بشاعرة بحجمك وجزالتك

لي عودهـ

.

.