لك ياخوي فِـدوة قصيـدي ومعنـاي=يفداك شاعر ما انكسـر فيـه معنـى
لِه كم..؟ عُمر راعي ولا أطرب النـاي=يضيع فيه الحزن .. أيا حـزن ضعنـا
غربة .. تلف التّتن ، وتحلّي الشـاي=وتشري سهرنا - للشتا..؟ - لين بعنا
قِل يا "عوض" بعنـا ولا فيـه شـرّاي=ضاعت مسا عينا .. وعلى الدرب سعنا
خطوة معَ الرايح ، وخطوة معَ الجـاي=وإذا اشْبَعَت منـا المسافـات..! جعنـا
الله خلقنا .. نغوي الناس .. والراي..؟=لا مِن أغوونا الناس ، بالحكي طِعنا...
وكم إنجبر..؟ فيني .. قصيدي ومعناي=وكم إنكسر..؟ شاعر على شان معنـى

:r:

صح لسانك
رغم ان القصيدة قديمة جدا ً الا انها جميله

المشاركة الأصلية كتبت بواسطة سلطان الرجـــا (المشاركة 56205) صح لسانك رغم ان القصيدة قديمة جدا ً الا انها جميله بس ما انت ملاحظ ان المقدمة اطول من القصيدة تحياتي أيها الكاتب

سلطان الرجـــا

صح الله بدنك وروحك

وشهادتك بجمال القصيدة أعتز فيها رغم أقدميتها ..
وبالنسبة لملاحظتك على العكس ..
أشوف إن القصيدة أطول من المقدمة والفرق واضح((وأنا شخصياً نسختها على الوورد وشفت الفرق بعدد الكلمات والحروف)).,

وألف شكر لمروركـ .. الشعر



تحياتي