|
صـدق الـغـلا فـوق الـعـتـب والـمـشـاريـه
من باعني بالرخص وشلون أبشريه = واللي شراني كيف أبيعه بضيقه الـحــلـم وردي يـازمــان الـمــشـاريـه = بين الاماني والامل والحقيقه صدق الغلا ياسكة الغي والتيه = بيض النوايا والقلوب الرقيقه الضيق مايبْعدك عن حي تغليه = لو تشتعل كل الاماكن حريقه والمر كأسه نشربه لجل حاليه = لو مانطيقه غصب عنا نطيقه ياشين وقت أفراق غالي لغاليه = بين المواجع والجروح العميقه القلب هم البعد والهجر طاويه = بعد أختلافات العهود الوثيقه اللي بقى ياهاجسي وش تسميه = والجرح يكبر من رفيق لرفيقه جرحً سكن بين الخفوق ومحانيه = يكبر مابين الثانيه والدقيقه أسج والذكرى القديمه تصحيه = ماكن صوتي نــّـشـف الهم ريقه وعشقي وتفكيري وصدري ومافيه = هتان وطعون الليالي عتيقه شعري كتبني في شوارد معانيه = يالهاجس اللي بين همً وضيقه ماكل مايطري على البال نبغيه = ولاكل نفسً للمواصل شفيقه وصدق الغلا فوق العتب والمشاريه = نبض الصدور اللي وفاها حقيقه |
ماكل مايطري على البـال نبغيـه ولاكـل نفـسً للمواصـل شفيقـه وصدق الغلا فوق العتب والمشاريه نبض الصدور اللي وفاها حقيقـه الشاعر القدير ((( منصور الرويلي))) صح لسانك وإعتلا شانك قصيده قمه وهذا هو أنت عنوان للإبداع أسعدني أن أكون أول من يصافح هذه الرائعه وفاء وإخلاص .. هذا هو الحب الحقيقي .. يبقى راسخ وثابت مهما ساءت الظروف.. دمت بكل خير ورقي وسمو فكر مع خالص التقدير لك أطيب التحايا |
ماكل مايطري على البال نبغيه = ولاكل نفسً للمواصل شفيقه
صح لسانك وإعتلا شانك |
الرائع اسماعيل العقيل كم أنـا سـعـيـد بـحـضـورك ومـاهـو إلا شـرف اعـتـز به شـكــراً لـك .. مـن الـقــلـب |
الشاعر الجميل الذي لاتمل روائعه منصور لااجد ماقوله امام الرائعه الف الف الف صح لسانك |
صح لسانك وكلك منصور قصيده جميله واحساس جميل لي شرف المرور تحياتي لك رهب |
اقتباس:
اخي الشاعر القدير منصور الرويلي صح الله لساااااااانك مدد بلا عدد وبدون مجامله اقول ( من اراد ان يتذوق الشعر الحقيقي والابداع اللا محدووود فل يمر من هنا ) لك الود والورد من اخيك ابوطلال |
احمد دلي الاروع احساسك وقلبك النقي |
جـرحً سكـن بيـن الخفـوق ومحانيـه يـكـبـر مـابـيـن الثـانـيـه والـدقـيـقـه أســج والـذكـرى القديـمـه تصـحـيـه مـاكـن صـوتـي نّـشـف الـهـم ريـقـه صورا مؤلمه.. تسكن بين زوايا الصدور.. تختصر المسافات .. وتسابق الوقت.. ولها في رحلة الحياة المساحة الأكبر.. هي مؤلمة حقا ولكن.. في نظرة تأمّل.. ولحظة استقراء .. تأخذنا الى الجزء المشرق من شخصية الأنسان.. لا يتألم الا من يشعر بمن حوله شعورا لايتجزاء ولايهدأ ولايؤمن بتصنع لغته او تقنين حضوره .. غيوم الاحساس الممطره.. في كل مايسمو بالفكر رافدها الأصدق هو الألم .. منصور الرويلي كماهو انت .. لغة حرفك صادقه متقنة السبك والحبك تقديري لك |
منصور الرويلي .. شاعر يجبرك على قراءة جميع نصوصه .. تمكن وابداع لامحدود .. شاعر يقتنص المفردات من خياله الواسع .. قصيده رائعه من شاعر أروع صح كلك |
| الساعة الآن 11:54AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية