|
بيني وبيني...فقدتك!
أشوف الهم يطوينـي عذابـه=وطير الشوق في نبضي سرابه لشخصٍ بالغلا تـوّج حياتـي=كسى وقتي معه فرْح ومهابـه تعمّد بالغيـاب يهـز فكـري=وهو يدري بقلبي في غيابـه على أوتار التغلّي قام يعـزف=وأنا أوتار الوله فينـي كتابـه ولالي في هواه اليـوم حيلـه=وأنا أدري ماله فقلبي طلابـه فقدته حيل وأضنانـي خفـوقٍ=قفل في وجه نور العقل بابـه فقدت المرحبا وأهلين وأهـلا=وكاسٍ في لقاه اعشق شرابـه حديثٍ عذب مابه علـم شانـه=لذيذ السكب يمطر به سحابـه عطور الود نفحاتـه وطيبـه=وروح الورد تخفيهـا ثيابـه فقدت النون تتلى عينها ميـم=الا منه اختصر طول الاجابـه فقدت الضحكة تسرقها عيوني=وتروي سمعي الغايب طرابـه فقدت اللا وليش وكيف، مدري=فقدت الفلسفة الفينا تشابـه؟ فقدتك ياغلاتي فكـل صـورة=ثقيل أو واحدٍ فاقـد صوابـه غيابك غربتي بينـي وبينـي=يزيد الحزن في وجهي صلابة أنا مابيك نبضٍ فـي حروفـي=أبيه بمهجتي يسكن..هلا بـه وتشرق شمسك بعيني غـلاوه=تزيـح الهـم ويسافرعذابـه |
نبض شاعرة لها مكانة أدبيه على الساحه جميلة بوصفها لواقع تأتيه بسهل ممتنع من السهل على القارئ التوصل لما أرادته الشاعره من ربوع المملكه شاعرتنا نبض ومشاركة أولى فاخره أرجو أن تكوني هنا في ظلال رهب دائماً كوني كما تريدين أن تكوني عادل الظفيري |
صح لساااانك اختي نبض |
هلا وغلا نبض صح لسانك هلا بالشعر ونبضه.. ويسعدنا ويشرفنا هطول سحاباتك هنا قصيده رائعه لشاعره رائعه صح كلك لا تحرمينا من ابداعك تحياتي لك رهب |
الظفيري
القلب الرائع والشاعر الأروع شكرا لك ولمرورك وتعقيبك وكل كلماتك الطيبة التي لن انساها ما حييت تقبل خالص الود. |
نبض قلب
صح قلبك وقلب غاليك . شكرا لك. |
رهب
غاليتي أتشرف بالانضمام لكم ويسعدني مرورك وتعقيبك الرائع. شكرا لك. |
| الساعة الآن 09:55AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية