|
تعلمت وتألمت بما فيه الكفاية ؟
تعلمت ,, وتألمت ,, بما فيه الكفايه..,, تعلمت أن اللي يسكت عن حقه ينداس.!! تعلمت أن الدنيا ما تسوى فلس أحمر.!! تعلمت أن اللي ما فيه خير لأهله ما فيه خير للناس.!! تعلمت أن الحياة ممكن تنتهي بأي لحظه وأحنا على غفلة.!! تعلمت أقول الحمد الله في كل الأحوال بالذات في المصايب.!! تعلمت أسوي خير وما انتظر مقابل عشان ما أنصدم.!! تعلمت أن الكلمة الحلوة والنفس البشوشة رأس مال الطيب.!! تعلمت أن أغنى إنسان في العالم اللي يملك الصحة وراحة البال.!! تعلمت أن الخسارة بالعمر إذا ضاع بدون فايده.!! تعلمت أن من يزرع الثوم ما يجنيه ريحان.!! تعلمت أن عقب العمر موت.!! تعلمت أن شر البلية ما يضحك .. والله العظيم عن تجارب ههههههه.!! تعلمت أن الفلوس تغير النفوس وتخضع رؤوس.!! تعلمت أن العمر ينتهي والدراسه او العلم ما ينتهي.!! تعلمت أن من يقول الصدق يصير منبوذ.!!<< قوية والله !! تعلمت أن من يبي الناس تسمعه لازم يسمعهم أول...!! تعلمت أن الطيب طايح حظه والـ ..... خلوها على الله.!! تعلمت أن مو كل الناس على نياتهم.!! تعلمت ان الأقنعه تزول في الشدايد وتتكشّف الحقايق.!! تعلمت ان للمصايب والمشاكل فوائد في كشف معادن الناس.!! تعلمت أن اللي تعلمناه بالمدرسة او الجامعة شي والواقع شي ثاني..!! تعلمت أن الواحد يشتري أكثر مما يبيع يعني يسمع أكثر مما يتكلم..!! تعلمت أشوف وأسمع عن مصايب الناس وأقول الحمد الله على كل حال..!! تعلمت أن مهما تسوي من خير للنذل يرده أصله وما يبين فيه..!! تعلمت أن اللي يتفلسف كثير .. فاضي من الداخل..!! تعلمت أن اللي معدنه ذهب يبقى ذهب، واللي معدنه حديد يتغير ويصدأ..!! تعلمت ابتسم رغم الألم.!! تعلمت وتألمت بما فيه الكفاية,, ومازلت أتعلم في مدرسة الحياة :yasser: عذب التحايا للجميع |
الله عليك يا العنود
كلامك حكمه واحساسك صافي كابيض الثلج استمتعت بما قرات ولي عودة مرة اخرى |
العنوود كلمات رائعه
في كل جمله حكمه الدنيا مدرسه كل يوم نتعلم فيها جديد |
العنود :::: الدنيا تجارب وخبراات ::: بس !!! لازم نتعلم منها ... مايلدغ المؤمن من جحرً مرتين :::: كلن يعود لاصل جده ومرباه راعي الشرف يشرف والانذال يهوون الفرع من عوده شرابه ومسقاه والحنظله مره ولو تشرب موزون الطيب كايد والمناعير تقواه والهون هين تدنى عن النفس وتهون |
موضوع رائع
فيه من الحكمه الشي الكثير باسلوب منطقي الحياة مدرسه فناءهامختلط بالحزن والفرح ومصائبها الفصول يسعدني يالعنود رؤية ابداع قلمك وعودتك بالسلامه لاتحرمينا قادمك ننتظره بشوق دمتي بحفظ الله يالغلا |
يفوق الوصف سررت بمرورك العطر تحياتي لك |
تحياتي العنود وبوح فيه من الحكم الاغلب
اذا الحياه مدرسه فانتي ومن ساواك على القمه من يدرس في دروس الحياه فأعتبري فقراوي طالبا اذا تحياتي لمعلمتي العنود |
العنود كلماتك فيها حكم وصدق الاحاسيس
مشكوره العنود على المشاركه الطيبه ودمتي لنا بود عزيزتي |
تعلمت أقول الحمد الله في كل الأحوال بالذات في المصايب.!!
تعلمت أسوي خير وما انتظر مقابل عشان ما أنصدم.!! تعلمت أن من يقول الصدق يصير منبوذ.!!<< قوية والله !! تعلمت أن من يبي الناس تسمعه لازم يسمعهم أول...!! تعلمت ان للمصايب والمشاكل فوائد في كشف معادن الناس.!! تعلمت أشوف وأسمع عن مصايب الناس وأقول الحمد الله على كل حال.. تعلمت أن اللي معدنه ذهب يبقى ذهب، واللي معدنه حديد يتغير ويصدأ..!! تعلمت ابتسم رغم الألم.!! العنووووووووووووود هذه هي العنود التي نريد تطبق ما تعلمته من الحياة وأعذريني فقد أخترت بعض من دروس الحياة التي كتبتي وكررتها لأهميتها أقف إعجابنا هنا وما تزال الحياة تعلمنا من خباياها تقبلي مني التحية والتقدير والاحترام |
الأستاذة الفاضلة : العنود الشيباني
ورب البيت كلامك حكم اسمحيلي اضرب كف بكف ( اصفقلك ) ما زلتي قادرة على الابداع اكثر واكثر في كل يوم يتجدد ابداعك لك مني الف تحية وتقدير تلميذك ياعمري |
| الساعة الآن 11:27PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية