![]() |
معاً ضد التدخين ... !! ( مصافحتي الأولى لكم ).
معاً ضد التدخين ... !!
يا أنت ياللي تمسك الموت بيديك ..................... ما هي رجولة مسكتك للسجاره ذاك الزفير اللي يودعك بيجيك .................... في شهقة.ن تحمل معاها غباره تولع الدخان حتى يطفيك .................... و بيني و بينك في سلوكك نعاره تضر نفسك و مجالسينك و أهليك .................... و يكفي على ( الباكيت ) تقرا عباره تحذير صحي : المرض منه يأتيك .................... و كانك تريد الموت خذه بجداره و يا بنت مسكتك المعسل تخليك ................... شينه و تبعدبك عن أرض الطهاره و إن كان ربي حط بحشاك غاليك ................... مات و تسمم قبل يطلع لداره و الله ما تلقى بن آدم يواسيك ................... لا صار ( للكنسر ) في صدرك إماره لا تحسب علاج الاطبه يداويك ................... أقلع قبل لا تذوق طعم المراره تشفط سجاره و المنادي يناديك ................... و في باب بيت الله تطفي السجاره شيء.ن بنعلك تدعسه دوم .. وشفيك ؟! ................... يا آبن الذين ذا دليل القذاره و ما دام ما ترضى أحد يوم يأذيك ................... لا تأذي مصلي خشوعه شعاره بسته ريال تبيع نفسك لشاريك ................... الهندي اللي كل همه تجاره و لا شح عندك تسأل الناس تعطيك ................... تتوسله يأذيك .. هذي شطاره ؟! من قال لك شرب السجاير يسليك ................... بيزيد همك هم و يقيد ناره ما تدري إنه نار في الصدر تكويك .................. و كم شايب.ن في الناس تذهب وقاره إما ردعك اللي يقوله محاكيك .................. أرجع لنفسك و أحسب الآمر تاره و يا التاجر اللي منك ضاعت مباديك ................... ربحك من الدخان ذنب و خساره يا أخي أمتثل للحق في أمر باريك .................. درب الهدى وش له تغير مساره و سلامتكم ... لكم مني أرق و اعذب تحية شعر أخوكم ... شامي السحاري ابو محمد توّاق |
صح لسانك تواق ويعطيك العافيه
الله يتوب على من ابتلاه بالتدخين ويعينه على تركه تحياتي لك |
صح لسااااااااااانك وجاد بنانك أخوي وهلابك بيننا بإنتظار جديدك تحياتي لك |
نقل منفرد .. و جميل مِنك
ويعكس طهارة روحك ونصحها شكرا لهذا الطرح المثري |
يسلموووووووووووووو علي النصيحه
لكن انا السيجاره حبيبتي وصديقتي يعطيك العافيه |
يعطيك الف عافيه
على الكلمات والنصائح تقبل مروري مـــــــــع حبـــــــــــي |
’,
,’ ’, ابو محمد :throb: :r: شهادتي فيك مجروحه.. صح لسانك وسلم راسك :r: |
الساعة الآن 10:40PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية