شبكة رهب الأدبية-ريما محمد السديري

http://www.abu-hamza.com/jepg/abe.jpg
http://www.merkaz.net/up/uploads/20166.jpg

يابوي وينك عذبتنـي الليالـي ؟؟ *

ليتك تشوف الحال وشلون منصاب

ليتك تشوف الهم وأوضـاع حالـي *

ليتك تشوف الدمع وشلون سكـاب

ليتك تشوف اللي بعدكـم جرالـي *

حتى الفرح يابوي وياك قـد غـاب

أمشي و أنا يابوي همـي ظلالـي *

وأخفيت جرحٍ يايبه مابعـد طـاب

جرحن مع الايـام لامـن طرالـي *

سالت دموع العين من بين الاهداب

ساعة رحيلـك يابعـد كـل غالـي *

انهار حلمي وانكسر قلب معطـاب

خاوتني الحسره وحزنـي غدالـي *

اوفا صديقن لي من دون الاصحاب

واوفت لي العبره وضيقـي وفالـي *

وعايشتهم يابوي في ديرة أغـراب

يابوي شفت الويـل وانـا لحالـي *

تركتني للوقـت ولضيـم الاقـراب

العيش دونـك والزمـن ماهنالـي *

موحش بدونك يابعد كـل الاحبـاب

واجهت انا الدنيـا بكـل أحتمالـي *

أسد بـاب وتنفتـح بعـده أبـواب

أعيش في حزني وهـمّ ارتحالـي *

أشيل حمل جبال يابـوي وهضـاب

مالي عضيدٍ فـي حياتـي موالـي *

أنخاه لاضاقت معي كـل الأسبـاب

آخـذ برايـه لا تسكـر مجـالـي *

وفيه أعتزي كان الزمن كشر الناب

مالي سند غيرك ولا لـي ولا لـي *

غيره سواء المعبود هو رب الارباب

أرجيه سبحانـه عظيـم الجلالـي *

يرحمك ياعرب السلاله واالأنسـاب

وينزل على قبرك حقـوق الخيالـي *

ويجعل عليه الخير والوبل ينسـاب

ويجعل مقامك فـي جنـانٍ معالـي *

وينجيك من شر الهوايل والاصعاب

الـــشـــاعــره الـــــــنــــــــادرة

لامست قلبي وجرحي فأحببت نقلها لكم ،،،

http://blogs.albawaba.com/resserver....esource=T_.jpg