يرحم امك فارقيني وش تبين=طعنتك بالظهر جتني مرتيـن
ياحلاة ايامنا ذيـك السنيـن=لاجت ايديني بكفك تسكتيـن
وان قربنا زود فيني تنتهيـن=وان تباعدنا زعلتي ساعتين
لازعلتي بست خدك من يمين=تزعلين اكثر تقولي بوستين
كل ماشفتي جواهر تشتكيـن=سعد ماجاني زعل من كلمتين
لاتلاقينا فرحتي ويـن ويـن=تحضنيني وين غايب جمعتين
وان طلبتك اغنية ماتخجلين=وان سمعتيني اقصد تنصتين
اعتذرلك تضحكين وتفرحيـن=وان جفيتك يوم عينك دمعتين
لاسمعتي صوت سيارة تجين=تفتحي شباك دارك درفتيـن
ليه خنتيني وعني تختفيـن؟=ليه شبيتي بقلبـي شبتيـن؟
يرحم امك فارقيني وش تبين=طعنتك بالظهر جتني مرتيـن
تسحب ايديني تقولي يافطين=اختلص دينك وهات الطعنتين
كل مافيني فداك ولجل عيـن=تكرم اعيونك وهاك الشفتين
قلت انا ماني بصادق ياحنين=طعنتك بالظهر كانت لذتيـن

المشاركة الأصلية كتبت بواسطة تَحِيّة مَلآئِكيَة (المشاركة 32849) ، صَحْ لِسَآنَك وَلاهنتْ .. قَصِيدَه جِدّا جَمِيلَه :thumb: بَيّضَ الله وَجهَك وَعَلا قَدْرَك وَشَانَك .. تَقْدِيرِي وَاِحْتِرآمِي لَكَ يـ " قدِيرْ " :r:.. http://www.al-amakn.net/up2/uploads/6297aefe82.gif

المشاركة الأصلية كتبت بواسطة قناص عرعر (المشاركة 32935) جميل ماقرائت ساعود

المشاركة الأصلية كتبت بواسطة صافي النوايا (المشاركة 32948) اخوي صح لسانك فقط استغرب توحد القافيه بالصدر والعجز ولكن انت شاعر كبير وياليت توضح لنا للافاده بأنتظار ردك سلام

المشاركة الأصلية كتبت بواسطة يفوق الوصف (المشاركة 33031) صح لسانك واحساسك ابدعت وتألقت قصيدة جميلة ورائعه وننتظر المزيد والجديد تقبل مروري وتحياتي لك