يابنت فـي حبنـا منتـي بمغصوبـه= والنفس في حبكـم مانـي بغاصبهـا
عذالي اللـي حبيـب القلـب صدوبـه =عذالـي اسبـاب ماجاهـا وصدبهـا
القلـب والـروح يالاجـواد منهوبـه= بالود والحب صافـي اللـون ناهبهـا
ايامي اللي مضـت ماهـي بمحسوبـه= واسنيني الماضيـه مانـي بحاسبهـا
احب طرق الهـواء واحـب ملعوبـه= والنفس تشتـاق واشواقـي تلاعبهـا
افرح لياجاتني الاخبار مـن صوبـه= له منزلـه داخـل الخافـق مناصبهـا
تهمنـي شوفتـه وافـرح بمكتـوبـه =تسلم لـي ارسالتـه وايديـن كاتبهـا
يادوب يفهـم سلـوم الحـب يادوبـه= صغيرة السـن موتـي مـن سبايبهـا
عزيـزة الجـاه يالاجـواد منجوبـه= تسال عـن حبهـا عنـدي واجاوبهـا
هي غايتي هي منى قلبـي ومطلوبـه= عندي غلاها كمـا عينـي وحاجبهـا
بنت الرجال الكفو بالستـر محجوبـه =في حشمة ارجالها وفي قـدر شايبهـا
يابنت قولي عسى مانتـي بمخطوبـه= يابنت مثلـك مـلاك بقلـب خاطبهـا
العين تدمع وكـن العيـن مضروبـه= ادموعها سيل صافي اللـون ضاربهـا
دكتور قلبي مريـض وماخـذه نوبـه= دنيا الشقـاء كلهـا خضنـا تجاربهـا
النـاس تلعـب بقلبـي ليـن غروبـه= عزي لمن شيمتـه والنفـس غربهـا
وعزي لمن لابتـه بالـدرب خانوبـه= وعزي لمن في دروب الطيب خانبهـا
وعزي لمن عزوته في الضيق باروبه= وعزي لمن خان في العزوه وباربهـا
ما اساير النذل واجنب عـن ادروبـه =النذل نفسـه علـى الـزلات دربهـا
نفسه اسيره مـن الشيطـان مغلوبـه =استسلمت لـه وهـو بالحيـل غالبهـا
الانذال لاسمعـت الطـاروق غنوبـه= وتزيـد بالقـول وتسمـع قرايبـهـا
كثيـر قالـوا بنـا وكثيـر قالـوبـه= اهـروج الانــذال احللها واقلبـهـا
بعض العرب يفتخر ياجعـل ماهوبـه= مايدري ان البـلا بالنفـس قاضبهـا
الصيـد مـن ديرتـه والله ماجوبـه= هرج القفى والنمايـم مـن مكاسبهـا
الحـرب والتفرقـه والشيـن نادوبـه= اللحيـه الوافيـه تحمـي شواربـهـا
ياناس يانـاس خلـي ويـش سوبـه =صدق هـروج القفـى وعيـا يكذبهـا
متغيـر منهجـه ومغيـر اسلـوبـه= كـل المواثيـق خانبهـا وساحبـهـا
امنـول غايتـي زينـه ومحبـوبـه= واليـوم متغيـره خانـت حبايبـهـا
من عاب بالناس لايتجاهـل اعيوبـه= النفـس حـق عليـه انـه يعاتبـهـا
اخيـر مـن نمتـه يراجـع اذنوبـه =ويتوب توبة نصـوح صـح تايبهـا
الاعراف ضيعتها وتقـول مشطوبـه= يوم استوى صاحـي العالـم وعايبهـا
في بعض الاحيان احس الرجل معطوبه= معطوبة مـن كثيـر الهـم معطبهـا
يابنت هذي صفـات النـذل مكتوبـه= كتبتهـا لجـل مـن عينـه يشوفبهـا
ابن ادم اضعيف نفس ويستـره ثوبـه= والعين ماكـل مـن شافـت بيعجبهـا
ياناعم العـود والخصريـن مسلوبـه= ياناعس الطرف سـم الكبـد لاجبهـا
ابو جدايـل علـى الارداف مسروبـه= حرام ماشفت مثـل الزيـن ساربهـا
يامـل قلـب مـع الاجـواد راحوبـه= جسمي بـلا روح والسـاري يعذبهـا
ياشف بالي عسى مانتـي بمخطوبـه= خيال صـوره تخاطبنـي واخاطبهـا