يامن عشقتك بعشق فوق ما يفترض = محتاج أشوفك اذا ما عندك اي اعتراض
لأن شوقي لك اوصلني لحد المرض = وما تنتعش روحي الا في شمال الرياض
لا أقبلت أحس ان كياني من الفرح ينتفض = ولا اقفيت محجر عيوني بأزرق الدمع فاض
ماقبلك احد له الراس الرفيع انخفض = ولا اضن ترضى على القدر الرفيع انخفاض
مجنون حبك ولا أفكر بمن يعترض = لو تبغي أعلنت حبي في جريدة عكاض
يالله سترك يجي يوم ونفقد بعض = والله ان اضيع بمتاهات طوال عراض
يالوعتي لو خسرتك وين بلقى العوض = من الصعب والمستحيل ان حب مثلك يعاض
ويا للأسف كان مفتول العهود انتقض = وابراج حب بنيناها بتصبح قضاض
بأعيف من الحب مالي فيه بعدك غرض = وعسى شعوب المحبه بعدك الانقراض