فـجـر الأمــانــي..؟
اسعد الله اوقاتكم بكل خير ومحبه....
فجر الأماني غير..واحكايتـك غيـر=ياهل تـرى للغيـر باقـي مسيـره؟ كنت أحسب أن الغير ضمن المسايير=أثره مقيم ولا علـى الأرض غيـره عن السمـأ يالغيـم لاتنشـد الطيـر=أنشد غبـار الأرض مـن يستثيـره واللي بصـدري واردات ومصاديـر=طعـون وقتـي كـثّـر الله خـيـره مااقدر أكابر وأدخل الصـف وأثيـر=غيـرة أمـم والطاولـة مستـديـره أنا كذأ ربي خلقنـي.. كـذا أصيـر=ياشرهة الوقـت التعيـس الأخيـره أبقتـل الأحسـاس وأغطـي البيـر=وأردم حوانيـت القصـور الوثيـره قبـل يمـد الكـأس كـف المقاديـر=على القرين اللي مصيـري مصيـره ماقلت لك يالهم تصبـح علـى خيـر=تـوي بديتـك ياطويـل المسـيـره لو ما أنت بأحساسي تعيد الأساطيـر=طويت صفحـات الحيـاة القصيـره شف كيف رزمات الورق والطباشير؟=وشف كيف تغييب السيوف الشطيره! هنا.. غيابك له علـى الكثـر تأثيـر=وهناك.. لك في " ندرة الشي " سيره وأنا لـك الله.. ماوصلـت المحاذيـر=دمي شرب ( غيم السما) من غديـره صمتي حزن.. يعني حزن دون تفسير=وشوفي عمأ .. وعيون عقلي بصيره كيف أتبراء منك؟ وأرضيـك تقديـر=ليه أظلمك والوقـت ميّـت ضميـره خذني معك وأكتب حياتـي مشاويـر=وسولف لهم عنـي بكـل السريـره أنا كذا.. ربـي خلقنـي كـذا غيـر=يافرصة الوقـت الشحيـح الأخيـره |
يعطيك العافيه صالح وبارك الله فيك وصح لسانك واحساسك يا ذوق
قصيده رائعه تحياتي لك |
اخوي صالح
صح لسانك ولاهنت مودتي |
صالح .. عوده ميمونه طالت الغيبه وافتقدناك جديده وتحكي بها معك جزء من احزاننا .. صح لساااانك . كيف أتبراء منك؟ وأرضيـك تقديـر ليه أظلمك والوقـت ميّـت ضميـره خذني معك وأكتب حياتـي مشاويـر وسولف لهم عنـي بكـل السريـره أنا كذا.. ربـي خلقنـي كـذا غيـر يافرصة الوقـت الشحيـح الأخيـره كلمه اخيره .. انت فنان ومبدع وافر التحايا رهب |
يعطيك العافيه صالح
وبارك الله فيك وصح لسانك واحساسك يا ذوق قصيده رائعه تحياتي لك |
قبـل يمـد الكـأس كـف المقاديـر
على القرين اللي مصيـري مصيـره ماقلت لك يالهم تصبـح علـى خيـر تـوي بديتـك ياطويـل المسـيـره اخوي صالح الضويحي صح لسانك ملاين قصيده رائعه من شاعر رائع تحياتي |
وأنا لك الله.. ماوصلـت المحاذيـر دمي شرب ( غيم السما) من غديـره صح لسانك ياصالح مبدع دايماَ تحياتي لك |
اقتباس:
بتواجدك للجمال حضور وللحرف نور وللمداد عطر الوفاء وللذوق سمواً تزهو به السطور فشكرا يليق بك ويروق لك ودمت مشرقاً |
اقتباس:
رياض الهديرس شكرا لكرم حضورك واطلاعك وسمو انطباعك اسعدني وشرفني لاعدمتك وصح بدنك تحياتي لك |
|
الساعة الآن 07:30AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية