يا طاري الخير جعل الخير طاريّه = من ضيقة الصدر ولا شانت الاجوا
يا رشيد بعض السفن ماهي شراعيّه= والريح متفاوته تقوى وما تقوى
تقول رايك واقول الراي حريـه = لكل هاوي قناعه قبل ما يهوى
لو ان فيها خطا لو ربع بالميـه = ما قالت الناس راع البير مايروى
برّق وتلقى حقيقه دوبلوماسيه = تشوف الافضل يغطي محتوى الاسوا
الحلم مسرى يغرّر قلب ساريّه = طموح يبني ظنونه في مدا رجوى
احيان غالي يحصل فيه شاريّه = واحيان غالي بلا قيمه وما يسوى
ليت الحقيقه لها صوره حقيقيه = وتبيّن الخافيـه وتثبت الدعوى