|
شحت الانفاس(اهداء من نوع اخر)
جهمتك من مصابيح الطريق وشحت الانفاس=توارثني مداهيل الكلام وضــــاع تالية اهوجس بك من البارح وصليت العشا بنعاس=كانك ظل من صيف السـحاب وغير النية مواعيدك من الجدب العطاش وضيع العساس=عقب مازرفلت شهب الغوارب فيه عصرية وابيك تقطع قياد القصـــيد بغفلة الحراس=بسولف لك عن طعون الغياب وحال راعية غيابك هدم احلام السنين وعودت للســاس=غيابك مارحم صـمت الثواني لارحم حيه لوانه جرح وسدته ضلوعي من عيون الناس =لوانه دمع يمديني بكيته وانت شــاطيه لوانه جمر شبعت الخطاوي من شرار الياس=لوانه صوت غنيــته على بحر الهجينية لوانه علقمي ياما شـــربتك يامرار الكاس=لوانه موت حييته على ســجدة ومرثية تقهويتك على جمر الضــلوع بدلتين نحاس=اصبحـــها وداعية وامـسيها وداعية اعرض لك عتب خضر المواجع هبة النسناس=تجي خيل المشـاريه تهذب لاعادت الجية بســــاتيني تعذرها نهرك وعودت يباس=ياكثر اللي يلمحلي عن المظـمى وطارية واخاف الياكتبتك وانت في بالي تطيح الماس=على الدفتر وتلقالك عيــون الناس مارية ســترتك بالمحاني ماتركتك حرف للقرطاس=بحر مهما ارتفع موجة دفن موجه بشاطيه يقولون الهقاوي كل ماتكبر يشــيب الراس=وانا اعرف راس لو شيب معه تكبر هقاويه ويقولون العرب ذل الحباري هيـبة القرناس=وانا اقول المسـا ضاعت به فروخ النداويه ترى حلم الشجر مهما تطاول من نصيب الفاس=ابيك تعلم الحطاب لاجيـــــته برجليه يبي يكـــبر بطعناتي ترى ماكبرت جساس=طعون الغدر لاوصلت متوني بخـلف النيه اموت اليابغيت اقطف ثمرك وشحت الانفاس=واغنيلك وداعية..وداعية..وداعية |
الاستاذ عبد المحسن لقد أسهبت بالوجع و أطلت بكايئاتك فما لنا الا أن نعلن الذهول أمام هذا النص المتكامل أبو بدر تتألق دائما في سماء الإبداع فدمت متألقا دائما |
الأستاذ الفاضل : أبا البدر المتعبد للمحسن تغرّد متفردا بترانيمك وناي أنـّـاتك حزينا وهِـن عودتنا دائما على حفظ خيل المشاريه حتى بالوارف من إطروحاتك متميز دائما بكل ما هو جميل الغريب في الأمر أنك أنت أنت في عبد المحسن الإنسان و عبد المحسن الشاعر و عبد المحسن الصديق |
يبي يكبر بطعناتي تـرى ماكبـرت جسـاس 00 طعون الغدر لاوصلت متوني بخلـف النيـه
من قال جده غير ما عنده سالفه لا والله عبدالمحسن غير وغير وغير مع انك لا تشبه مدينه انت تشبه دولة بأكلمها صح لسانك |
ابدااااااااااااااااااع .. وابيك تقطع قيـاد القصيـد بغفلـة الحـراس // بسولف لك عن طعون الغياب وحـال راعيـة غيابك هدم احلام السنيـن وعـودت للسـاس // غيابك مارحم صمت الثوانـي لارحـم حيـه لوانه جرح وسدته ضلوعي من عيون النـاس // لوانه دمـع يمدينـي بكيتـه وانـت شاطيـه عبد المحسن .. صح لسانك وعلى شانك ابداااااع اخذتني معها لحد الابداع والألم .. تقبل وافر التحايا رهب |
عاشق
مرورك غالي شهادة غالية باختصار لاعدمتك |
غازي ابو نايف
هانحن حتى اذا بنينا صروح فهي من طعون لاادري لماذا او استطيع القول احاول الا ادري ابو نايف شكرا |
رياض
اعرفك جيدا رجل ابيض وقلم جميل الف شكر |
الاخت رهب
احتضانك قصائدنا ومقاسمتنا الالم يعطينا معنى اجمال وين يكمن شكرا بكل ماتعني الكلمة |
صح لساااااانك واحسااااااااسك
قصيدة جزله ورائعه وتألقت بهاا في سماء الشعر تقبل مروري وتحياتي لك دمت بود |
| الساعة الآن 06:18PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية