ياوليف(ن) كل ماعشت لي من العمر يوم=عاش لك حب جديد وزود في غلاك
من وليفك ياوليفي خذ ايجاز العلوم=الله يسعد لك صباحك ويسعد لك مسا ك
ودي اوجز لك ظروفي مع ان طبعي كتوم=وترجمتها والتفاصيل يكفلها ذكاك
اه من وقت جواد ويندر ما يدوم=مدته جزله ويرتد ضعف اللي عطاك
وااه من تمثيل نوم على شان اسم نوم=واااه من قلب سجين ويرفض الانفكاك
واااه يا ترفيه معطي وياصبر محروم=واااه يا من تعليقة(ن) لا نجاة ولا هلاك
واااه ياسحر الوداد المقيد بالسلوم=واااه ياروح الزعامه وهندام الملاك
واااه يافكر مراتعه مابين النجوم=واااه ياثروه بهاء ما مالكها احد (ن) سواك
واااه يافن التمييز على وجه العموم=وااااه يا بيت الثقافه مع مجد العراك
وااااه يا لطف سواة الدواء وقت اللزوم=واااه ياقتل العتب بالغلا ساعة لقاك
وااااه جووو التلاقي بصالات القدوم=وااااه من هيبة سباع تعدي من حماك
واااه من الحب الجنوني وياقو العزوم=وااااه من عشق الفدائي عسى روحه فداك
يابحر حب غمرني وانا ما اعرف اعوم=ماغرقت وباقي في رجا الله ثم رجاك
والله لولا حشمة اسمك من اللسنة الرخوم=ان اقول اسمك رباعي واحدد مستواك
ياوليف(ن) كل ماعشت لي من العمر يوم=عاش لك حب جديد وزود في غلاك