من يقول اني اعشقك من يقول اني ابيك=من يقول اني احبك حب ماحبه بشر
من يقول ان المشاعر ترتحل مني اليك=من يقول انك شعوري واجمل ابيات الشعر
من يقول الشوق فيني لاحضرتي يحتويك=ومن يقول انك لاغبتي تشتكي عيوني السهر
من يقول ان الاماني هي مشاهد ناظريك=ومن يقول ان السعاده لما تملين النظر
من يقول اني بلقانا اسبقك لاجل احتريك=ومن يقول اني لشوفك مايواطني الصبر
من يقول اني عشانك اترك العالم واجيك=ومن يقول اني بدونك حالتي تحت الصفر
من يقول اني ابيع الدنيا لاجلك واشتريك=ومن يقول اني لعينك اسلك دروب الخطر
من يقول انك حياتي ولا ابي غيرك شريك=ومن يقول اني بشخصك اتباهى وافتخر
من يقول اني احبك كثر مااوله عليك=ومن يقول اني احبك كثر زخات المطر
من يقول اني احبك كثر ماترمش عينيك=ومن يقول اني احبك كثر مامال الشجر
الحقيقه مااحبك بس انا امووووت فيك=والحقيقه مااحبك بس يفداك العمر
ايه احبك كثر ماتحبي الاساور في يديك=ايه احبك كثر ماتحبي القلاده بالنحر
ايه احبك كثر مالضحكة تداعب شفتيك=ايه احبك كثر ماتحبي ترشين العطر
ايه احبك كثر مااعشقها ملامس راحتيك=ايه احبك كثرمااعشق دهن عودك بالشعر
ايه احبك كثر ماقلتي احبك واهتويك=ايه احبك كثر ماتقطف يديك من الزهر
ايه احبك كثر ماعيني وروحي تشتهيك=ايه احبك كثر ماالشاعر تغزل بالقمر
ايه احبك كثر عشقي كثر ماكلي يبيك=ايه احبك حب ماحبه ولاحسه بشر

الغالي
الشاعر
عبد الله الرقاص

الله يسعدك اسعدتني بتواجدك

وسعدت كثيرا بمصافحتي لقصيدتك

الرائعه بمعانيها وسبكها وترادفها

انت شاعر متمكن ودائما مبدع

وليس بحاجه شهادتي لك

وما اقول الا صح لسانك يالغالي

وتقبل تحياتي