حب الخشوم وحـب الاقدامـي
أحيان يسبقك احد على شعور لايأتيك الا بعد اعوام وسنين سعد بن جدلان وهاهو كم عهدناه . . . .
الا ياالله ياللي تحـت هيبـة سلطنتـك اسلمـت=لك المسلم يسبح لك بحمـدك ولـك الاسلامـي .احمدك واشكرك واثني عليك بما علـي انعمـت=تزودني وفا قـدر العشيـر ووصـل الارحامـي ولجك الفجر ياليل الذهول اللـي علـي اضلمـت=يعرضك واقع الماضي بعيني عـرض الافلامـي ولهتك يالنديم اللي على صافي وفـاك اضرمـت=بصفحة ذكريات العام واللـي مـن ورا العامـي بعد تقرير مشوار التجـارب نجحـك واجزمـت=بان السيف سيفي والعصـا والمحـزم احزامـي عطتني عزلة اخلاصي معك نسيان مـن نادمـت=كتبتك وانطوت صحفي عليـك ورفعـت اقلامـي اباهـي لا ابالـي واتبيسـط كــل ماقـدمـت=اشـب النـار قـدام العـرب واشيـد اخيامـي نهاري حر شمسه يستحي منها لسـان الشمـت=وليلي ترقب نجومـه ملامـة كـل مـن لامـي على ضو الكلام اللي كشف عنا ستـار الصمـت=عرفت اني تحت برق الامل في روض الاحلامي احسب انك تيمم با اتجاهـي ويـن مـا يممـت=واثر ما انت بورايه في الطريق ولانـت قدامـي مصيبه لاتدنت قيمتك فـي عيـن مـن قيمـت=يشوفك بالسهل وانته تشوفـه بالسمـا السامـي كثر ماحن قلبي للونيـس وكثـر مـا درهمـت=فجر صدري حنينـي واتعـب الاقـدام درهامـي عيون الصد وعيون التجافي حول مهما اكرمـت=تشـوف المجتهـد كسـلان والبنـاي هدامـي مدام ان جانبك شام لجنابي وانت عنـي شمـت=كثر خيـرك وانـا مانيـب لاجايـع ولاضامـي اشوف انه علي واجـب ليـا مريتكـم سلمـت=مرور اكرام تربطـه الكرامـه عنـد الاكرامـي على شان الخفوق اللي على عرشه قعدت وقمت=حجب عنك الدجى لين اشرقت لك بيض الايامـي ختام السالفه ياطيـب العشـره كرمـت ودمـت=هذا حقك علي وحق شرهاتـي علـى اوهامـي مصير الوقت يشرح لك دروسه وان غفلت ونمت=يصحيك الزمان اللي يصحـي كـل مـن نامـي تذكرني لامنها خابـت اوهامـك فمـن وهمـت=وشفت الفرق في حب الخشوم وحـب الاقدامـي . . . |
صح احساسك .. وصح لسان شا عرهااا ,,, قصيده بها من الحكم الكثير تسلم يمناك.. ختام السالفه ياطيـب العشـره كرمـت ودمـت == هذا حقك علي وحق شرهاتـي علـى اوهامـي مصير الوقت يشرح لك دروسه وان غفلت == ونمتيصحيك الزمان اللي يصحـي كـل مـن نامـي تذكرني لامنها خابـت اوهامـك فمـن وهمـت == وشفت الفرق في حب الخشوم وحـب الاقدامـي وافر التحايا.. رهب |
رائع ابن جدلان
سلمت يارياض |
تسلم خوي رياض عالنقل
مبدع دائما بذائقتك وبوحك |
شكرا يا رهب على مرورك
|
الروعه حضورك عبدالرحمن السميري
|
هلا شموخي برجولتي مشكور على مرورك
|
الساعة الآن 05:41AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية