|
غادر الطاوله ..!!
غريب دار .. وراجين .. عفو ربه=وحيد .. في لندن .. ولابه مسايير لافيه لامجلس .. ولافيه شَبّه=غير المقاهي .. واللبي loppy .. والمشاوير يدكه الهاجوس .. في وسط .. غبه=غبة بشر .. فيها .. جميع المحاذير ل الطاوله غادر .. وذا الكوب .. كبه=كب الكابتشينو .. وعاف الغنادير ل الدار عود .. موقد الغاز .. شبه=والبن زله .. ف الدلال .. المباهير لا زعفر الاشقر .. بفنجال صبه=يسلي الخاطر .. بليل الدياجير قدع .. مع الفنجال .. حبه وحبه=تمرة خلاص.. وناقشن بعضها ..الطير هواجسه .. مع كل ريعن تذبه =ومع نبض قلبه .. ماتفيد المعاذير دواه داه .. ولاعرف .. وين طبه؟=حكايته .. فيها غموض .. الاساطير الطيف .. لامن مر .. مثل المنبه=ياخذه .. من عالمه .. للعالم الغير الى متى مشغول .. في هالاحبه=الحب مابه .. غير سهد .. ومخاسير يافاتح الشباك .. يمة مهبه=قم .. واغلق الشباك .. قبل الأعاصير قم لملم اوراقك .. وذا الشوق .. خبه =باكر .. بتشرق شمس .. معها تباشير والهاجس اللي .. مرّ ف البال .. هبّه=واستغفر الله .. لاحصل منك.. تقصير |
شاعرنا القدير قصيده كنها مصبوبه من صفر الدلال تكيف الراس وعساك تحقق كل امانيك وترجع للبر وعشاقه وكعادتك كان للخيال الخصب مكان بين ابياتك قصيده مدهشه من شاعر مدهش صح لسانك |
صح السااااااانك
والدار واهل الدار بشووووق ينتظروووون قصائدك اللي تطرب وتعجب ابدعت ...وصح السانك كعادتك ...انت /مبدع متألق |
الغالي
الشاعر اااااانااااااا اهل وسهلا بالغالي الشاعر الشامخ والف مرحبا والله انه يسعدك ويوفقك بجميع الاوقات بكل خير كما انه اسعدني ان اكون ضمن المصافحين لهذه القصيده الباذخه والرائعه بكل ما تحمله الكلمة من معنى اخي تصويرك لواقع الغربه وشوقك للدار واهل الدار جعلني اعيش مع النص وكانني بجانبك ثق انك بقلبي وقلب من عرفك من الاعضاء الكرام فانت غالينا وصح لسانك وعلا شانك مليون ولا يكفون تقبل تحياتي |
انا
كما قال الاخ خلف العاطفي انت تعجب وتطرب وتبدع باذخ الاحسااس فاخر المشاعر تلتقط التفاصيل الصغيره بكاميرا الروح انت فقط انت لايشبهك احد في رواية مايختلج فيك من وله غريب وطن وغريب شعر وغريب جاذبيه تعود سالما غانما |
تبحربنادائماحيث يكون الابداع وحيث تكون منابع الامتاع فقصيدك ينبض بصدق المشاعروتلقائية البدوي الاصيل
تحاياي لك وشكراعلى جودقريحتك اخوك الغواص |
| الساعة الآن 09:00PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية