حي القصيد وحي جزلات الالحان = في موطن الامجاد قمة سعدها
اللؤن الاخضر يعتلي كل الالوان = توشّحت بالزين تضفي جعدها
المملكة بشموخها بين الاوطان = وحكامها الوافين توفي عهدها
دار الشريعة عزّها عالي الشأن = حازت على كل المزايا بمهدها
دولة (عظيمه) للمفاهيم عنوان = سباقةٍ للطيب والخير يدها
أرض الفخر والمجد في كل الاحيان = الشعب يفقد هيبته لافقدها
الخير في وجه الوطن مثل الامزان = يروي جفاف الارض مزنة بردها
عشنا عليها بخير ونعيش بأمان = وبقلوبنا صادق غلاها وحدها
أرضٍ حماها الله بالسيف شامان = مثل السحابه يوم يقبل رعدها
رمز العداله والشهامه والاحسان = على منار العز محدن جحدها
شعب الوفا لعيونها أرواح واكفان = لا دقت الساعة وبيّن عددها
شجرة وفا بظلالها عز الانسان = عون الفقير اللي بعزمه قصدها
على ثراها كلنا أقراب وأخوان = مانتبع العدوان واللي حسدها
من يوم صافح كفها ذرب الايمان = تباشروا بالخير وآقبل مددها
في حبها مخلص ومغرم وهيمان = مثل الحنونه يوم تحظن ولدها
صدق المشاعر كنها ديم هتان = ديمة غلا تهدي سنابل رغدها
هذا الوطن مانرخصه بغلا الاثمان = دره ثمينه ماندوّر بعدها
ويدوم عزك ياوطن كل الازمان = ديرة هل التوحيد ربي وعدها