تمر السوالـف ، والله اعلـم بمـا فـ البـال=قبل كل شيّ ، الرجـل ممسـوك بـ لسانـه
ولا كل كلمـة قلتهـا صـح ، بأيـّة حـال=تصيـر الآوادم مـن حوالـيـك غلطـانـه
وانا لي ثلاث ليـال ، ماهـي ثـلاث ليـال!=من العام روحي مـن غثـا الشعـر مليانـه.
قصيـد ٍ (قسـم بالله) ماهـوب راس المـال=ليـا دق صـدره مـن ورث طيـب جدّانـه!
من اعمامـه ل خيّـه مـن ابـوه للأخـوال=نـداوي نسـجّ الـه الخـطـاوي علشـانـه
وانـا اخـوك والمقفيـن لا يشغلـون البـال=ولو منهـم اللـي واقـفٍ ضـده اخوانـه!!
يكون الخطا واضـح ولا لـك عليـه جـدال=ليـا صـار ربعـك ماتميـز وش الشـانـه؟
شرى خوّة اللـي لـو اقـول انـه الرجّـال=وش اقول عن من يعجز الشعـر فـي شانـه
ماحب المديح ، الفاضي ، المسرف ،الدجّال=وهي كلمتيـن و فـي الحقيقـة لهـا خانـه:
عتيبة ، مخلّفـة الهقـا ، مضـرب الامثـال.=لها سيـرة ٍ تخلِـف علـى الشعـر ميزانـه
عرفت انت من ؟ مِن مَن؟ من : منوة الأجيال!=لكـن غيّـر الموضـوع ، قفلـت بيبـانـه
ابي حاجـة ٍ فـي داخلـي سببـت إشكـال!=لقفت الـورود وصـارت الـروح ذبلانـه!
ياحزن المسافه ، المسا آفـه و دربـك طـال=ينامون ، وعيوني من الحزن سهــرانه

المشاركة الأصلية كتبت بواسطة عبدالرحمن السميري (المشاركة 17412) تمر السوالـف ، والله اعلـم بمـا فـ البـال=قبل كل شيّ ، الرجـل ممسـوك بـ لسانـه ولا كل كلمـة قلتهـا صـح ، بأيـّة حـال=تصيـر الآوادم مـن حوالـيـك غلطـانـه