|
على ذكر المواجع
على ذكر المواجع والسفر والحل والترحال طويـت آخــر ورق فـي دفــتر أحــزانــي طويته وانكسر قلبي وصوتي بالمواجع سال ودريت إن الظلام اللي تحت كف السهر جاني جلست أجمع مسافاتي وأغني للسـفر مـوال على صفحة من الماضي بها حلمي وعنوانـي بها كم سافرت عيني ليالي والظلام أهوال وبها كم سافرت روحي وانا بالليل وحداني حبيبي ليلة البارح مشيت من الغرام أميال واناظر رحلة الذكرى هدب عينه يغـــطيني حبيبي كل ماشوفك تجـــي بالذاكرة تختال نهر من فايض الذكرى يجي من داخل أشجاني تخيل يوم عانقني خيالك خاطري وش قــال تخيل قبل أسولف لك نشدني عنـك وجـداني نشدني لــين خلاني مدينة هــزها زلـزال تخيل ما هدى حتى لـقاك بـوسط شــرياني أروح لسدرة الموعد معاي لموعدك مرســال وأخاف إنك تجي قبلي وترحل قبل تلـقاني هنا كانت ليالي الغلا والمقــــبلات آمال وهنا كانت مواعيدك مطر تخضر به اغصاني هنا كانت نواظرنا سوالف في كلام أطفال وهنا كانت عصافيرك على دربي تحـــراني هنا شف باقي آثارك على رمل الوعد مازال وهنا شف دمعة طاحت من عيونك على شانـي حبيبي لا تنشدني عن أوضاعي وكيف الـحال أنا بعدك سحاب أبيض أضم الريح باحضاني غلاك بدلة الذكرى بهار وهاجـــسي فنجال تقهوته الجروح اللي بها ذكراك تنصاني تسافر بي واحسبني وصلت آخر وطن بالبال وأثرني ما وصلت إلا بداية درب حــرماني وتبقى سيرة الذكرى قصيدة تكتب الترحال سوالف للعيون اللي صداها دمعة أحزاني الشاعر / عوض القطياني |
صح لسانك وشكرا على النقل
|
الشامخ .. صح احساسك .. قصيده رائعه على ذكر المواجع والسفر والحل والترحال طويـت آخــر ورق فـي دفــتر أحــزانــي طويته وانكسر قلبي وصوتي بالمواجع سال ودريت إن الظلام اللي تحت كف السهر جاني جلست أجمع مسافاتي وأغني للسـفر مـوال شكرا للنقل وفعلاا تستاهل صح لسان شاعرهااا وافر التحايا . رهب. |
اقتباس:
هنا كانت ليالي الغلا والمقــــبلات آمال وهنا كانت مواعيدك مطر تخضر به اغصاني هنا كانت نواظرنا سوالف في كلام أطفال وهنا كانت عصافيرك على دربي تحـــراني هنا شف باقي آثارك على رمل الوعد مازال وهنا شف دمعة طاحت من عيونك على شانـي صح لسان الناقل والشاعر وحضور رائع ياشامخ وقصيدة رائعه الله يعطيك العاافيه ونبي اللي منك انت ياشامخ ماعليك ماراح ارد عليك خخخخخ نتمنا لك الاستمرار على هذا التألق والابداع لك تحياااتي عبدالله |
| الساعة الآن 05:27PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية