هلا بلي لفآ طيفه من اشواقه يسليني=ولو اني بوسط الناس بنساهم على شانه
انا عايش على طيف(ن) عن العالم مكفيني=خيال(ن)صار لي واقع اعيش اليوم باوطانه
الى صار الشتا بارد حروفه لي تدفيني=يقول اني هنا عمره وحبي داخله صانه
واقول انته ملكت القلب لكن لاتخليني=بعد ماهو تمكن بي غرام الشوق سلطانه
حلف لي مايخون الود مابينه ومابيني=ولو كانت ظروف الوقت ضده حبي ماخانه
احبه حب لو بوصف عجز وصفه يراضيني=احس انه قصر قافي ولا كمل وفا دانه
حروف الشوق ماتوصف خصال(ن)فيه تغريني=الا ياويل روح(ن)تشتهي دايم دفا حضانه
تعبت اكتب ولابين غلاه اللي سكن فيني=وهو حرفه اذا شفته كأنه ينطق لسانه
حروفه يوم يكتبها بصوته لي تحاكيني=يغني لي صدى صوته عظيم الشوق بلحانه
على كل البشر عندي غلاه اللي مهنيني=ياجمل حلم عايشته بواقع تغري الوانه
سكني قبل ماشوفه قبل عينه تجي بعيني=سكني حرف يتمخطر به الاشواق ظميانه

المشاركة الأصلية كتبت بواسطة سفير المعاني (المشاركة 395788) الغالي الشاعر سلطان عتيق الحربي الله انه يسعدك ويوفقك بجميع الاوقات بكل خير اسعدني كثيرا ان اكون اول المصافحين لهذه القصيده الاجمل من جميله والاروع من رائعه بما تحتوية من معنى ومضمون من شاعر متمكن وصح لسانك وعلا شانك مليون ولا يكفون ولاهنت تقبل تحياتي

المشاركة الأصلية كتبت بواسطة تفاصيل الخجل (المشاركة 395804) :: صح لسانك مليون لايكفون قصيــده رآئعـــه من شـاع ـــر مبدع:r: مو مجاملة لك دائماً أثق في أن أي نص يحمل توقيعك يكون مختلف ... نحتري جديدك الاروع دوومــآآ لاهنـــت ..

المشاركة الأصلية كتبت بواسطة احمد العليان (المشاركة 395807) سلطان الحربي اسجل اعجابي الشديد بما قرأت نص عاطفي في منتهى الجمال مني اجمل التحايا