|
لامن جفاك الوطن لاتباري الساسي
لآمن جفاك الوطن لاتباري الساسي خل الوطن للربوع اللي يحبونه دارٍ بـداروتـهـمـلاج مـع الـناسـي اخير من مقـعدٍ تكثر بك شطونه اما نصيد الشرف ونجيب نوماسي ونبرجح الي علينا تسهرعيونه فاما تروح الدلي في الجم غطاسي والا تجيك الدلي من الجم مشحونه عـقـــب صـبيٍ دلــوهٍ دايــم ناســـي لاعدوا الربع ربعه مايــــعدونه |
حلوه جداً
شعر السابقين له حلاوة ونكهة خاصه .. واعجبني البيت الاخير .. دمت بخير اخوي العزيز عبد الله وتسلم يمينك .. |
الله الله ذكرتني بقصيده ابن شريم ووصيته لابنه وعن اذنك بطرحها هنا ---------- يا مـن لعيـنٍ فـي محاجيرهـا شـوك والقلـب بـه عـن لـذة النـوم تكـاك** لا دك فـي قلبـي مـن الهـم داكـوك جاوبـت طربـان الحمايـم والاديــاك** عزي لحالـك يـا عزيـز وانـا ابـوك كـان الزمـان اللـي وطانـي توطـاك** امشـي وكنـي يـا عزيـز بتـابـوك في حبس جبـارٍ تحـت حكـم الاتـراك** علـى عشيـرٍ دونـه البـاب مصكـوك مـا غيـر امــره واتـعـداه مـنـاك** بابٍ وراه حـروس مـا هـو بمفكـوك ومبـرزٍ دونــه مكـايـن وشـبـاك** وبقيت انا في حضـرة الوقـت مملـوك دولـة زمـانٍ بيـن جــاك وتـعـداك افهـم وصاتـي ياعزيـز وانـا بـوك دامـك صغيـر وغايـة العلـم يقـراك** تـراه مـا ينفعـك خالـك ولا خــوك لا صار مـا تقضـي لزومـك بيمنـاك** وربعك الى بـان الخلـل فيـك عافـوك اقرب قريبٍ لـك مـن النـاس يشنـاك** ان كثر مالـك صدقـوا لـك وطاعـوك وان قـل مـا بيديـك شانـت سجايـاك** لو تطلب الما عندهم كـان مـا اسقـوك ابعـد مـزارك عـن وطنهـم ومربـاك** ان جـاد حظـك صدقـوا لـك وزاروك وان بار كـلٍ مـا يبـي غيـر فرقـاك** والى اعترض لك من صروف النيا صوك كـلٍ تبـرا منـك مـا هــو بـويـاك** وهراجـة المجلـس الـى جيـت وروك منـازل تـطـرب نظـيـرك بدنـيـاك** والـى قضـوا منـك اللـوازم وخلـوك تفرقوا وانـت احتمـل كـل مـا جـاك** كنـك سـراج البيـت للنـور شـبـوك والى قضى الوارد حـدا الربـع طفـاك** والا كمـا ليمونـة الحمـض مـصـوك والى قضى منـه الطعـم فرغـوا لـذاك** واللي يجي من رفقتـه ريـب وشكـوك احـذر عنـه ليـاك تصـدق بمسـراك والى جفوك اهـل الوطـن واستخفـوك قلّـع غريسـك منـه واهـدم ركايـاك** تراك لو تنجع علـى الرجـل صعلـوك احسن من اللـي تلتجـي لـه وياطـاك** عطهم وضيايفهـم الـى منهـم جـوك وغلّـق ضميـرك لا تعلـم بقصـيـاك** وخدمتـك شيـخٍ كنـك العبـد مملـوك يامـرك فيمـا يشتهـي وانـت ينهـاك** اعـرف تـراك مبرقـعٍ منـه مشبـوك حدّرك فـي حبـل المهالـك ولا ارقـاك** واصحـا لخـلان الرخـا لـو تغالـوك اعرف ترى اطيبهم الى احتجت يجفـاك** كنك خـوي مقيـط دهـووك واغـووك وحقك عطـاك رشـاك واقفـى وخـلاك** واحذر عن العيله ترى الحـق مـدروك مثـل العمـل يـدرك مـا منـه فكـاك** وان كان عدوانك على الضيـق حـدوك اخصـم طلابتهـم بعجـفـاك وقــداك** وان كانهـم لمشـرّف الحـق ماشـوك ناظـر مطاليـع الفـرج قبـل مـبـداك** وان طوعوا شيطان الانفـس وهانـوك فاصبر على البلـوى ودفنـت رزايـاك** زرهـم تـراك الـى توانـيـت زاروك امـا بديـت بصاحـب السـو يـبـداك** مادامهـم ماطاوعـوا لـك وعـرفـوك اضرب على الكايد الى عمسـت اريـاك** لو هذبـوك مـن المصايـب وضـدوك مـا يذبحونـك قبـل تدنـي منـايـاك** واحلم عن الجاهل ترى الحلـم مبـروك وقم للضعيف اللي مـن الضيـم ينخـاك** وادمح خطا جيـران بيتـك الـى اوذوك ترى القصيـر وحرمـة الجـار بحمـاك** عطهـم رواتـب حقهـم لـو تناسـوك فـي كـل مـا يصلـح لدينـك ودنيـاك** وقم للضيوف الى عنوا لـك وضافـوك اغلـى كرامتهـم حجاجـك وبـشـراك** واعرف ترى ما لك من الضيف مشروك لـولاه يطلـب حاجتـه فيـك مـاجـاك** وقم للرجـال ان ريعـوا لـك وحبـوك واحشم خويـك واكرمـه عنـد ملفـاك والى اعتبـرت بسيـرة النـاس كفـوك مـا كثـر مـن شـي تعبتـه وعنـاك ولا تبـات بـهـم دنـيـاك مضـنـوك ما طاب لـك مـادام لـك وافتهـم ذاك** لو يطلبون اخفايك النـاس مـا اخفـوك والرجل مثل النجـم فـي كـل الافـلاك وصـلاة ربـي عـد الاوراق والشـوك مـا نـاض بـراق ومـا هـل سفـاك** على الذي مـا فيـه ريـب ولا شكـوك محـمـد مــادك بالقـلـب دكـــاك |
|
ياهلا عطر الرحيل
اسعدني تواجدك |
اقتباس:
من اروع القصائد اللي بصراحه اثرت فيني قصيدة بن شريم لولده وهي اللي جرتني اضع قصيدة بن عجعج المشهورة بالوادي اعتقد الزمان السابق كان فيه جفوه بسبب الفقر |
اهلين سلطان
شرفني حضورك الجميل |
| الساعة الآن 03:06AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية