|
بنت(ن) وانا قد الشعر لن الشعر قد المقام
ابيات للاخت الشاعره الأميره ريماء محمد السديري (رهب) يشرفني مجاراتها لما تحمله من ان سانيه وشموخ
الله على بعض الطواري لا شلع فكري و حام=احب اشوم عن الهزيل ولا اصيد الا الفريد بنت(ن) وانا قد الشعر لن الشعر قد المقام=ولن المقام اكبر تصاغرت العظيم من القصيد الأميره /ريما السديري
ماهو غريب الجزل يابنت المطاليق الحشـام =تفضلي والشعر الأوضح حام يابنت العقيد ابوك في عصره خذا درع المراجل والوسام =وانتي خذيتي ما بقى يشهد بها ساع البـريد شـيهانةٍ من راس حـرٍ لاتــزل ولا تضـام=عسى الفرح يبقى لها في طلت العمر المديد تنقى الفرايد نقوت بكار المزاين في الزحام=وتنحت من حساس المشاعر ما جرا وسط الوريد دون الأرامل وردتها العصر ميراد الحـيام=ميراد شــــقرأ يعربيه لاتضــج ولاتحيــد في كفها الأيمن سلام وكفها الأيسـر مـلام = رسالة تشدي بها الورقا على راس الجريد تاصل ألامام ابن ألامام ابن ألامام ابن ألامام= ستر الأرامل واليتاما سعدهم في كل عيد الشاعر عبدالعزيز الشلوه |
الغالي
الشاعر عبدالعزيز محمد الشلوه اسعدك الله ووفقك بجميع اوقاتك بكل خير سرني واسعدني ان اكون ثاني المصافحين لهذه القصيده المجارية لقصيدة الاميرة ريما السديري حفظها الله وفعلا قصيدتها تستحق المجارات تسلم يا ابو محمد على هذه المجارات الصادقه وصح لسانك وعلا شانك مليون ولا يكفون تقبل تحياتي |
والنعم فيكم جميعاً ورحم الله الامير واسكنه فسيح جناته
صح السنتكم جميعاً |
|
صح لسانك ياشاعرنا الكبير
عبد العزيز مجارات مميزه تقبل مروري |
حياك الله يالشاعر الفذ عبدالعزيز ,,
صح الله لساان ريما وصح الله لساانك ولاهنت على هذى المجاراه الوافيه وفعلا للشعر مقام سامي ,, كل تقديري وخالص تحياتي لك . |
عبد العزيز
صح لسانك مجاراة اكثر من رائعة وصح لسان الاميرة و دمتم بخير جميعا تقديري |
| الساعة الآن 08:41AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية