|
من جديدي .. وليا لقيتي فهد
بلا وبدون مقدمااات اليكموها
تقدمي خطوتين .. وشرٌعي بابي = تمخطري / يم قلبي واستريحي به وليا لقيتي ( فهد ) هايم ومنصابي = تراه من سبتك ياللي عثيتي به حطي جبينك على قلبي وملهابي = بشويش .. وأطفي لهيبٍ من لواهيبه قربك يهوُد عليه ثورة آعصابي = ياثورة العشق لاشكه ولا ريبه شوفي غلاك الصراحه ويش سوابي ؟= مافيه عرق ٍ بقلبي ما مشيتي به كله لأجل وجهك المجمول وإعجابي = غيرك من البيض ماجيته ومالي به يا أجمل مخاليق ربي وأقرب أحبابي = حسنك بهرني حلاه وما ظهرتي به وأعيونك اللي غطتها سود الأهدابي = وجسمك معزل تقاسيمه وترتيبه وفستانك اللي ( خلط ) وردي وعنابي = ماغاب عني جمالك من تعاجيبه تبارك الله عن الحساد والهابي = حماك ربي من اعيونه وتصويبه حبك بقلبي بشاير خير وإيجابي = مدري عذآب ٍ يهد الحيل ومصيبه والله يالولا الحيا من خامس أقرابي = وآدرا ,,, الملامه لعد اسمك وانادي به واني لاعدي على رجمي ومرقابي = مع هزعة الليل يسري بي ونسري به والله ليبطي غلاك انتي ويبقابي = في وسط جوفي انام الليل وامسي به |
الله الله
من اجمل ما قرأت من قصائد الغزل الشاعر القدير فهد بن حنس صح لسانك و لاهنت ابد ابدعت بحق و ننتظر كل جديد بفارغ الصبر دمت بخير كما تحب ريف النشاما .. |
الغالي الشاعر فهد بن حنس الله انه يسعدك ويوفقك بجميع اوقاتك اسعدني كثيرا ان اكون ثاني المصافحين لهذه القصيده الفاخره والرائعه بمعانيها واسلوبها وصح لسانك وعلا شانك مليون ولا يكفون وتقبل تحياتي |
بلا استئذان!!
تخترق شمسك غيوم الضجيج .. ببوح تقصر معه قامة الكلمات إعجاباً .. حضور .. جميل .. وعذب يافهد .. لمثله الفايف ستار تقول: أنا له!! تقديري لك |
اقتباس:
مما يزيدني بهجه حضورك تاف شكر والف تحيه والف ود والف سلام |
حضور كبير
من لدن سفير المعاني يزيد القصيده توهجآ وقائلها فخرا فلك من الشكر اجزله |
صح لسانك وهذه الفاتنة الناتجة م القلب وتصل للقلوب
اجمل باقة ورد |
| الساعة الآن 11:38PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية