|
بنت الامير ...رهب
هذه قصيده اسندها لشاعره والاميره رهب
واتمنى تنال اعجابها واعجابكم
يابنت من لاذت به رجال عن كبار الهموم=صميدعين يرتكي للكايده ويشيلها محمد الاحمد ذري المحتاج عن لفح السموم =سموم نفحات الزمان اليا تقافت خيلها مبهج صدور اللي عليهم من لياليهم اثلوم= كفه سوات المزن لامنه تحدر سيلها شجاعته مضرب مثل والاالكرم فوق العلوم = واكبر من بيوت القصيد اللي ترجح كيلها نجم تعلى بالسماء كل الكواكب والنجوم= عقبه صروح الطيب يابنت الفخر عزيلها عزالله انه مدرسه طيب وتقاليد وسلوم =مجده توارثه السدرى لين تالي جيلها ياميرة الشعر الفخر ماجاك في حب الخشوم = انتي منابته ومثلك واجب تبجيلها حيتك ورثتي طيب ابوك وفيك من طبعه ارسوم =ارسوم طيب يتعب التاريخ في تحليلها سقتلك شعري فيه زفرات من الصدر الكضوم=عقب العرب ماساقت الفنجال لي من هيلها والحمل كايد لوانا قرم من عيال القروم =لاشك صكات الدهر محدن ومن من ميلها وانتي ملاذن عن صدوف الوقت حزات اللزوم =اميره وبنت اموراء لطيب تسرج خيلها |
صح لسانك واحساسك اخوي فقراوي
قصيدة جزله وابدعت فيها تستاهل رهـــب هالقصيدة والله يرحم محمد الاحمد السديري وكل المسلمين تقبل مروري عزيزي الكريم ننتظر جديدك |
صح السانك اخوي
قصيده تنساب من نبعكم العذب على البحر الطويل الذي لا ينصاغ الى اى لحن ابدعت ونظمت وغفر الله للامير واسكنه فسيح جناته وتستاهل اختنا رهب هذا التتويج ولكـــ كلـــ الشكر على هذا النزف الذي نثرته هنا تحياتي |
اخوي
يفوق الوصف اسعدني مرورك ..ولاهنت وتقديري لك والله يرحم المسلمين يارب تحياتي لك |
اخوي عادل الخالد
انا سعيد في تمجيدك وشهاده اعتزفيها والامير السديري يستاهل اكثر وهو ليس بحاجه لتمجيدي والشاعره رهب لها حق بذلك الاطرا تحياتي لك اخوي |
الجزل فقرواي
هنا هنا يابنت من لاذت به رجال عـن كبـار الهمـوم صميدعـيـن يرتـكـي للكـايـده ويشيلـهـا محمد الاحمد ذري المحتاج عن لفـح السمـوم سموم نفحـات الزمـان اليـا تقافـت خيلهـا مبهج صدور اللي عليهم مـن لياليهـم اثلـوم كفـه سـوات المـزن لامنـه تحـدر سيلهـا صح السانك ملاييييييييييييييييييييييييين جزله من راس جزله ورحم الله الامير الشاعرررررررررررر محمد الاحمد السديري تقبل تحياتي |
اخوي عبدالله الرقاص
لاهنت على المرور الجميل ومرورك حد ذاااته شرف لمتصفحي ولايستحق القصيد الا امثال الامير السديري تحياتي |
كما تمني انها لاتنزل لصفخه الثانيه
لما تحمله من اسماء تستاهل التمجيد |
فقراوي.. صح لسانك مدد بلا عدد والف شكر لك على الاطراء قليل الشكر وفيت وكفيت اخي الكريم .. تقبل فائق امتناني. تحياتي لك . ووافر التحايا. رهب. |
الله الله الغالي فقرواي عزالله ماضلمت حالك ياميرة الشعر الفخر ماجاك في حب الخشـوم .....................انتـي منابتـه ومثلـك واجــب تبجيلـهـا حيتك ورثتي طيب ابوك وفيك من طبعه ارسوم .....................ارسوم طيـب يتعـب التاريـخ فـي تحليلهـا صح لسااااااااااااااااااااااانك بلا حدود جزله من راس جزله ورحم الله الامير الشاعرررررررررررر محمد الاحمد السديري تقبل تحياتي |
| الساعة الآن 03:56PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية