اهتزت المملكة ساعة صدور البيان = من حد نجران لا حدود الحساء والهفوف
والله مال الحزن من كبر حجمه مكان = وان كان متنا نموت من الحزن والحسوف
ترجل الفارس اللي فوق سرج الحصان = بوقت ً من اصعب مامر من المحن والضروف
ماهو ترجل مخافة بس غدر الزمان = يشيل الابطال لو حنا جلوس ونشوف
مانملك الا السجود لربنا المستعان = يارب تجبر عزانا يا الرحيم العطوف
عزا الله إنا فقدنا سيفنا الهندوان = سيف ما مثله شبيه بين كل السيوف
خلا وطننا يعيش بخير وامن ً وامان = ارضه مثالية للامن من كل خوف
له تجربة رائدة في كل وقت ومكان = ضد للارهاب وفلوله وكل الطيوف
راهن عليها بفكرة لين كسب الرهان = من فطنته ما احد فيها عليه معروف
يجزاك عن ما عملت الله نعيم الجنان = عساك ضيف على الله من خيار الضيوف
ويبقى بلدنا باذن الله دائم مصان = في ضل حكامنا مهما تصير الضروف
وان غاب نجم يجي نجم ً بداله يبان = نجوم حق ً وعدل ً ماعليها كسوف