الـبـارحـه نـاجـيــت بـالـحــب خــلــي=باحساس يقطـع لـه مسافـات واميـال
حسيـت باحساسـه وصـل فـي محـلـي=وحسيت باحساسي شرح خافي الحال
مـن فرحـتـي باحـسـاس خـلـي اهـلـي=ومن فرحتـه باحساسـي الدمـع همـال
قـمـة جـنـون الـحـب سـاعـة وصـلـي=انـه مـع احساسـي سـرى ليلـه وطـال
تـمـثـل احـسـاســي بـعـيـنـه وظــلــي=وضمـنـي بـاحـسـاس بـنــتٍ لـرجــال
قـامـت دمـوعـه فـــوق خـــده تـهـلـي=والآه يجـذبـهـا مـــن الـقـلـب مــــوال
تسـارعـت دقــات قلـبـي وانـــا الـلــي=دموع عيني مـن عنـى الشـوق شـلال
هـذا وهــو احـسـاسٍ ربيـعـه حصـلـي=وشلون لو كان اللقا صـدق بـو صـال
يابعـد عـمـري عـجـل وشــوف حـلـي=تـرى يديـنـي تحـتـرق شــوق وامــال
باحـضـان صــدرك كــل هـمـي يـولـي=وبيـن الشفايـف ريحـة الريـق لاسـال
تـعـال خـذنـي حـضـن جيـتـك بـكـلــي=متبعـثـرٍ فيـنـي غــلا شــوق واهـمـال
تــعــال لمـلـمـنـي بـحـضـنـك وبــلــي=عـروق قلـبٍ تشتهـي قــرب ووصــال
تــعـــال تـكــفــى لاتــزيـــد الـتـغـلــي=لـو ينشـرى وصلـك شريـنـاه بالـمـال
تـعــال تـكـفــى والــرجــاوي تـسـلــي=مامـل مـن رجـوى وصـالـك بـالاقـوال
تـعــال تـكـفـى وانـــت لـــي لاتـخـلـي=طــول البـعـاد يـزيـد والـشـوق قـتــال

الشاعر

سلطان الحربي

حبكة الشعر المرصع بـ رذاذ الاحساس المرهف في نبضك

يجعلنا نستسقي بيت القصيد بك

عقد من الياسمين

:r:

المشاركة الأصلية كتبت بواسطة سفير المعاني (المشاركة 390108) الغالي الشاعر سلطان الحربي الله انه يسعدك ويوفقك بجميع الاوقات بكل خير اسعدني كثيرا ان اكون اول المصافحين لهذه القصيده الباذخة و الرائعه بسلاستها وعذوبتها بما تحمله من شعر ومعنى جزل من شاعر متمكن وصح لسانك وعلا شانك مليون ولا يكفون تقبل تحياتي

المشاركة الأصلية كتبت بواسطة نامي (المشاركة 390191) سلطان يمال القوة على هذه الجزله صح لسانك

المشاركة الأصلية كتبت بواسطة ريف النشاما (المشاركة 390195) .. الرائع سلطان الحربي صح لسانك و لاهنت ابد مبدع دائما و لا تاتي الا بالجمال موفق يا سلطان ريف ..

المشاركة الأصلية كتبت بواسطة سحابة السماء (المشاركة 390276) قصيده لها روح وجميله صح لسانك