|
الدويش
مهداه الى الشيخ وطبان فيصل الدويش
بعد وقوفه ومساندته بجانب ا السيد/محمد الفراج الشمري في الافراج عن ابنه من السجن......
بعد ماتحرك ساكن الشعر كالبركان=وبدا يلتهب لينه تفجر بوهاجه تمعنت بالتفكير واسرجت بالامعان= مثايل على خيل القوافي بمسراجه انا الشاعر اللي يبدع الشعر بالاتقان=من اول نتاج الشعر لين اخر انتاجه اصوغ الدرر وانظم من اللول والمرجان=مثايل بعين السمع تتبلور افواجه اوزن طواريق المثايل على الاوزان=ولاقلت بالهافي ولاجيت هلماجه يطيح القصيد ان كان ماهو براع الشان=اذا مارفعته موته افضل من احراجه انا كان قلت الشعر واشتدت الاذهان= تخيرت شيخٍ بالفخر راصعٍ تاجه يقولون قبلي كان وضعك بوقتك شان =تنحر من الشجعان صنديدٍ وناجه وانا مامثلت الا لشرواك ياكحيلان=وابااقول ياهداج تيما ياهداجه ياوطبان لك مني تحيات ياوطبان=سلامي وتقديري قبل يحصل امواجه مجرد ثنى بالفعل والفعل صار وكان=بعد ماسجين الحال عجلت بأفراجه رماه القدر والوضع في قبضة السجان=وتنخيت عنده لين وفييت بالحاجه ثنيت وفعلت بكل همه وفعلك بان=من سنين قبل اليوم متعلي ابراجه على البال تطري كل ماتطري الشجعان=لك المجد بالتاريخ مايطفي اسراجه مثل مامشى فيصل على الجود والاحسان=على الفعل بالنوماس تمشي بمنهاجه سلامي على الدوشان واثني على الدوشان=طعون الليالي ينوجد فيهم علاجه نعم للشيوخ اللي تعزوابهم شيخان=من سنين يوم الناس بالخيل دواجه فعول الرجال وطنخت الفعل بالميدان= خذوها ولاهي لاتمثلت ديباجه لذا قلت بالشيخ المبجل وشعري زان=محيط البحر يشداه لاثارت امواجه |
..
الله يجزاك خير وافيه من وافي و يستاهل الدويش كل خير و يلقى ثمرة ما عمل يوم القيامه و صح لسانك يا على و لا هنت اشكرك على جميل كلماتك ريف .. |
الغالي
الشاعر علي المبرد والله انه يسعدك بجميع اوقاتك بكل خير ولقد اسعدني ان اكون ثاني المصافحين لهذه القصيده ذات المضمون ومعنى والاروع من رائعه من شاعر متمكن ويستاهل الممدوح هذه القصيدة ويشكر على نخوته وفعله وجزاه وجزاك الله خير وصح لسانك وعلا شانك مليون ولايكفون وتقبل تحياتي |
صصصصصصصصصصح لسانك
ياعلي المبرد قصيده جميله وفي من يستحق الثنى بيض الله وجهك يابو نواف ولاهي غريبه عليهم وقفاتهم الأجواد وان قاربتها ماتملها. والأنذال وان قاربتها عفت مابها طبت وطاب لي المقام تحياااااااااااتي لك |
اقتباس:
دمت بخير |
| الساعة الآن 06:30PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية