|
صرخة ألم .....
ياليل يالجفن السهيد = صرخة ألم ولاّ قصيد نزف الليالي ماندمل = وجرح الزمن كله صديد البعد ياعذب الما = يشرهـ على القلب البعيد علمتها اسرار الهوى = وعطيتها العلم الأكيد يانفحة الوجد الطويل = ويامسرح الجفن السهيد ترجع بنا الذكرى ورى = يابسمة العيد السعيد عيونها الخرس الوساع = تسل سيف,ن. من حديد يشدني ليلك وله = يعزف على النبض الفريد لملم قصاصات الورق = قل للورق مابه جديد الا المواجع والالم = وجفن.ن. مع النجمه وحيد |
الغالي الشاعر عبدالله بن عريمه الله انه يسعدك ويوفقك لما فيه الخير واسعدني ان اكون اول المصافحين لهذه القصيدة القويه اللتي تعج بالم الذكرى المؤلم فقد اسهبت بما كتبت من شعر حزين يحمل الفراق والبعد وصح لسانك وعلا شانك مليون ولا يكفون تقبل تحياتي |
عيـونـهـا الـخــرس الـوســاع
تسـل سيـف,ن. مــن حـديـد وصويب العيون ماينلام ! صح لسسسانك ياعبدالله .. تقديري . |
الشاعر
عبدالله صح لسانك علي هذا الاحساس المتدفق بين القصيد تقديري واحترامي |
...
الله الله صح لسانك يا عبد الله و لاهنت أبد أبيات رائعة فعلا و شاعر متمكن و كلمات تتراقص طربا ننتظر كل جديد منك يا عبدالله ريف النشاما |
مبدع عبدالله وصح لسانك قصيده رائعه تشرفت بالمرور وتسجيل اعجابي بها تحياتي رهب |
صح لسااانك
شاعرنا القدير ولاهنت تقديري لك |
الشاعر القدير
عبدالله بن عريمة صح اللسان وسلم اليراع حبكة شاعر بين السطور ولا عجب في ذلك فـ مثلك أهل للشعر وخاصته عقد ياسمين :r: |
عبدالله اسعد الله روحك نص يفوح بعطر الاحساس .. والم الفقد ..وسهد الليالي لملم القصاصات ..ونحن نلملم معك قصاصاتنا .. وننثرها في مهب الريح .. إذ لاجديد هنا سيمفونية حرف ..تتراقص لها .. النبضات تحياتي ..تقديري |
هنا للعزف وطن
و للألحان سماء دمت عذبا |
| الساعة الآن 03:09PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية