|
شبي ضلوعي ~ ~
شبي ضلوعي قصايد واشعلي ضوه =يازين ليل القصيد ان داعب شفاتـه أن مارضى الشعر ولا جاك بالقـوه =شعر"ن" مايرضيك لابو سالف ابياته أوصف محاسنك لاحول"ن" ولا قوه =أعمى ولا اشوف الاّ بس حسناتـه الشاعر اللي طليق لسـان ومفـوه =يضيع كله مـع مفتـون نظراتـه سكر حديثك يسج البال فـي جـوه =يامبعثر افراح قلبي اجمـع شتاتـه بس انت خلك معي واللي تبي سوه =لا يفوت عمر الهوى وتفوت لذاتـه العمر يمضي كذا ولا الغلا توه = من اول الحب لين اخر مسافاته ثيري وشبي القصيد ادفى على ضوه =لاهب برد الغـرام وكثـرة أهاتـه |
.
الشاعر عبدالله بن عريمه قصيدتـك رائعة ومتماسكـه ، وبوحك عذب وجميـل لكن لدي ملاحظه على هذا الشطر: يضيع كله مـع مفتـون نظراتـه هنا كسر ـ واتمنى ان تتقبل ملاحظتي هذه بصدر رحب ـ اعتقد لو وضعت ( معا ) او (ورى) بدلاً من (مع) لأصبحت البيت مستقيم من حيث الوزن عموماً القصيدة جميلة جداً تحياتي لك اخوك عبدالرحمن |
صح لسانك واحساسك
قصيده رائعه شاعرنا عبدالله ننتظر جديدك وتحياتي لك ودمت بود ... |
صح لسانك ولاهنت
|
العمر يمضي كـذا ولا الغـلا تـوه
من اول الحب لين اخـر مسافاتـه ثيري وشبي القصيد ادفى على ضوه لاهب برد الغـرام وكثـرة أهاتـه ابن عريمه صح والله قلبك ولسانك قصيدة وافيه وجزله استمتعت بقرأتها لاهنت ولو سمح لي الاخ عبدالرحمن السميري بتوضيح هذه النقطه الشطر الذي ذكرت غير مكسور حيث ان مع = معا في النطق هذاا ماارى ويعطيكم العافيه جميع ودمتوا بود |
اقتباس:
وملاحظتك اخوي على عيني وراسي واكتفي برد الشاعر فهد سالم الفهاد (ولو سمح لي الاخ عبدالرحمن السميري بتوضيح هذه النقطه الشطر الذي ذكرت غير مكسور حيث ان مع = معا في النطق ) هذاا ماارى ويعطيكم العافيه جميع وتقبل تحيااتي |
اقتباس:
تحيااتي لمقامك السامق عبدالله |
اقتباس:
لك تحيااتي وتقديري اخوك عبدالله |
اقتباس:
ويشرفني مرورك ولافض فوك وكلامك لاغبار عليه سعدت بتواجدك ولك مني اطيب التحايا عبدالله |
عبدالله كلك ابداااااااااع من جزل لاجزل عرفتك هنــا .. لكن يعلم الله حبيت شعـرك ومشاركه بالراى . كلام لاخ عبدالرحمن / صح كما هو قصدك انت كذا . كما سبقك بالراى الاخ فهاد تبدو المعناه بالهجه مع كتابة الشعر وحده . انا اقول .. ويمكن الاخوان كلهم يوافقوني الراي . دايم الواحد يقراء بشاعريته ( وخصوصاً الشعر الشعبي ) واحيانا تاجدك تقرا بالهجة الشعر وان اختلفت عن لهجتك واذا هي على التدقيق الاملائى والله يابعض نطقنا للمفردات مدري وشلون ينكتب هى طبعا (مـع ) لو كتبها بالالف مثل ماقال عبدالرحمن قروها (معاً) حتى بدون تنوين . جرت العاده لكن الجميل ان مايقرا الشعر إلا شاعر او متذوق او غاوي !! غاوي = شاعر إلا هههههههههههه صح لسنتكم جميعا َ شعراء مبدعين وراقين اخلقاً وفكراً تحياتي لكم اخواني |
| الساعة الآن 11:33AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية