سامرت ليلي بالغنا والطواريق=مرات اهيجنها ومرات حادي
واهمي الي غثني كنه طويق=عجزت اشيله بالحشاء في فؤادي
عزالله اني بعد الاحباب ماطيق=ولابغى من الدنيا حقوق ومبادي
ماعاد لي خاطر في كل المخاليق=ولاعاد ابي شوفة رهيف الايادي
من يوم جت من صاحبي يالمطاليق=اكيد عند الناس بتكون عادي
اوفي لها واخلص لها بالمواثيق=اقف لها لو كان هالدرب غادي
عنيت حالي لجلها حزت الضيق=ومن اجلها خفّت جميع الشدادي
سويت شيٍ ماجرى للعشاشيق=واثري في وادي والحبيّب في وادي
قلبي عليها فاح فوح الاباريق=وماتبقي النيران غير الرمادي
خلاص انا لابد من حلمي افيق=اهون علي من الغثا والنكادي