رجم الغوالي .
اضع بين ايديكم هذه القصيدة علها تصل لذائقتكم العذبة .. جيـــت المكـــان اللـي تــــوده و تــاتــيـه................. .................جيته و انــا الشفــقــان لك حيــل ياهــيـه شفـــت الــــورد طـــرز حروفك و نـور................. .................فـــوق الطــريق اقــــدام غيـرك تمـاشـيـه رميـــت هـــمي فــــوق رجـــــم الغـــوالي................. .................لقيـــتني بــاخــــر صفـــــوفــــك مــخــاويه جــــيتك ركــض وبعــالي الصوت انادي................. .................لكـــن قـلبـك ما سمــع صــــــوت ناديــه مـــــا هــو تغلـي منــــك يا نـــور عيــني................. .................لكـنــــها العـــبره هـــوت صـوت راعيـه جــرحي عــطيب و نـــازف الـــدم خلـه................. .................بنـــزف لحـــالي لـــين مــا يجــــف واديـــه واخـــذت عــــهـدٍ لـجـل اشـوفـك قبالي................. .................ببــــقى عــلى دربك و انــا دوم بـاجــيه لجــلـــــه فـــــؤادي مـا يفـارق ضنــيـني................. .................و انتــــه ضنيـني و نابض القـلـب تحييه يــــا عــل بيـــت ن عشــت فــيـه متهـني................. .................تبـــــقى طـــــوال الــعمــر متهــنين فـيــه ياللي اخـــــذت العــهـــد ما ابيع قلـبـك................. .................انــــــا على عــهدي ولا المــوت ينـهـيه بكـتب حــروفي فـــــوق غصـن المحــبه................. .................تبــقى حـــبيبي و دامـــي الجـــرح بخفيه وسلامتكم |
الغالي
الشاعر ريف النشاما الله انه يسعدك ويوفقك بجميع الاوقات بكل خير اسعدني كثيرا ان اكون اول المصافحين لهذه القصيده الاجمل من جميله والاروع من رائعه بما تحمله من مشاعر واحاسيس تترجمت بهذا النص وهذا غير مستغرب من شاعر له باع طويل مثلك وصح لسانك وعلا شانك مليون وما يكفون تقبل تحياتي |
ريف النشاما
صح لسااااانك واعتلا شاااااااانك جزله من شاعرجزل اعجابي واحترامي لك |
ريف النشاما
قصيده رايعة يا النشمي وصح لسانك |
ماشاء الله صح لسانك ياعذب المشاعر وراااقي الإحساس أبدعت وأمتعت الذائقه .. وليس بغريب عليك الإبداع ياريف بإنتظار جديدك بشوق أرق تحيه |
|
ابدعت يالعتيبي
كلمات قمه في الجمال صح لساااانك ولاهنت تقديري لك |
الله الله
وش هالابداع ..وهذا الشي مو غريب منك ي فوواز فالابداع منك وفيك متابعه لك :r: |
ريف النشاما حياك الله ,,
صح الله لسانك وصح الله بدنك وكلك ,, قصيده جزله جزله بمى تعنيه الجزاله يضئ عليها الابداع والشعور المتلامس فـ لله درك يامبدع ,, لك خالص تحياتي وتقديري واعجابي . |
ريف اسعد الله روحك هو الوجد .. وهي اللهفه .. تربك الخطى .. في دروب الوصل .. وهي الامكنه ..تثير .. وتعزف على وتر النبض .. يفوح منها عطر الاحبه .. فيدوزن لحن حزن.. وهو النوى .. والحرمان مكس .. لمحبرة عاشق .. نثر عبق روحه .. على الطرس .. فأمتع .. وأبدع تحياتي .. وتقديري ..ودمت بخير |
الساعة الآن 07:24PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية