تعال أضمك وألتوي فيك بالحيل = أطفي ضماي اللي ذبحني وأزيله
كم جيت لك وأقفيت مامن محاصيل=وسئلت نفسي يارُجل وش تجيله
ذي حالتي بين الحذر والمواصيل = بين الرجا والرغبه المستحيله
لولاك مالمحت لي بالمداخيل = سكت بجروح الكلام الثقيله
عذبتني يوم الليالي تساهيل = وحنيت لي يوم الليالي بخيله
حنيت لي لكن بعد هدت الحيل =ضيعت مّنا أوقات كانت جميله
عزفت لك صمتي قصيد ومواويل = وهمك قبل لا يشيلني قلت أشيله
مفتون بك مابي للاسباب تعليل = هواك لي غايه وشوفك وسيله
لو كان لي حظ برموشٍ مضاليل = لقيت بسنينك ظلال وخميله !
دامك وفيّ يبقى الوفا لاظلم الليل = قمراء لحالات الغياب الطويله
لك مني أزهّد بالونس والتعاليل = وأجنح لنوبات الغرام الجزيله
منساك أبد لو ذقت من حبك الويل=يكفي لو أنه بس ذكرى جميله