|
شـمـس المـراجـل !!
أن كان وجهك ماتصونه عن العيب = تستاهل الحقران وهذي سواتك .وأن كان مالك من لسانك مقاضيب = نوماس هرجك ماتعدى لهاتك ( الابيات اعلاه للشاعره رهب هنا مجاراة لها وامتداد للمعنى أتمنى أن تصل لجمال ذائقتكم ) .
الله عليم الغيب يامدعي الطيب = سبحانه اللي ماجهل سوء ذاتك .ياللي ورى الطيّب أدوّر عذاريب = يازين والله لا تـكلّم أسـكاتـك تدري ولو ينعاد وقت المشاعيب = بالفعل تحسب مثل باقي خواتك شمس المراجل تشرق احيان وتغيب=وانت أستلمها كاش وحدد جهاتك .
ياللي تطاول شامخٍ مانت قده = اركد ترى مابك لمثلي اطماعه .فكر معي بأوضاعنا المستجده = خل اللكاعه مانت حول اللكاعه رغم الزمن وظروفه المستبده = ماقول لك سمعٍ ولا اقول طاعه مادمت عارف صاحبك لا تحده =إعْرف ترى المستور يكـّشف اقناعه الوقت حّول راكبين الاشده = وتاهت اخطاهم بالزمان وصراعه وقتٍ عطاك اللي تبيه وتوده = وخلاك شيخٍ له ربوع وجماعه والا انت ساسك بين هاته ووده = لا جاه يحسب لك ولالك شفاعه خلك جبل والعلم هاته ورده = بين الرجال الهرج مثل الوداعه الحر يدمي بالفريسه مهّده = وليا حكى يعطيك هرج الوقاعه والبوم محدً يابيض الوجه هده = غرابً أسود زاد حسده بشاعه هذا أختصار العلم والصدر سده = وحنا بشر ؟ ولكل منا قناعه .
ليتك علـى غيّبتـك معـذور=أدوّر الــــعـــــذر لــغــيـــابـــك .صديت عني ولعبت الدور=والــيــوم تـرسـل لي عـتــابــك حـبـل الـوفـا بينـنـا مـبـتـور=الــوقــت غــيّـــرك واقـفــابــك
2000 شكراً يالظروف الشدايد = عرفت صدقان الرخا مابهم فـود .والموقف اللي خـلــّـدتـه القـصايد = حلمً تلاشى وبـّعـثره هــبت الـنـود صار الامل عقب التلاقي وعايد = تدري عزاي أني بشوفتك موعود لو الوعايد ياعظيمه بعايد = والبعد يــّرث بالحشاء غبن ولهود شاب الوعد والحال بالحيل بايد = والوقت كـّـبـل وجه الايام بقيود والصده اللي شـيــّبـت بالـولايد = ياكبرها لاجيتك من صاحب الجود طبع الجفاء عند العذارى عوايد = وأنتي بعيني غير عن باقي الخود .
ياللي طعنت بهرجتك قلب منصور=تحسبك متسّلح سيوفٍ شطيره هرجة قفا قيلت وجتني على الفور= وصلت قبل يرسم هدفه ومسيره طاروا بها الواشين نقالت الزور= ســّود الوجـيه أهل النفوس الحقيره من عاش بالحيلات لابد معثور = والصدق مبدى يالعقول البصيره شلة ضياع وحاسده كل مشهور = مثل النساء مابين حقدٍ وغيره ذولا ضعوف نفوس من ماضي عصور = ماهم كفو لأهل الوجــّيه السفيره يلعنكِ شله مابها رجل مسطور = كلٍ تنـكـّـر بالخفا مثل غيره ! اليا حضرت الكل يصمت ومصغور = لابيات شعرٍ كالجواهر منيره ولا جيتهم كلٍ يهّــلي ومسرور = ويبدي مشاريه الغلا والسريره تمثيل فنانٍ قدر يتقن الدور = لجل الهدف خان بمبأدي ضميره ! بان الصباح اللي فضح كل ديجور = وأثر الخفايا كلبوها مريره والناقص اللي قالها قاصر شبور = عزالله انه بالمواقف عثيره لو ألتفت له طاح بيّدي مأسور = ولاّ يفكنـه يدينً قصيره ! الهافي اللي يتبع الكذب والزور = دايم على الغرات يشعب بعيره لا سامعٍ رأيه ولا معطيٍ شور = وعند اللقاء كلاً يقرر مصيره مايدري أن الصدق والحق من نور = وللظلم عند الله عواقب خطيره والصاحب اللي في غيابك له حضور = يارب من سود الليالي تجيره . . . . |
(ياضامن عبيد) قلي وشهي الدبره = لا صار حملي هو اللي شايل كتوفي .من شق ثوبه وجاب الخيط والابره = وشلون يذكر عديم الذات معروفي !
طعناتـك اللـي بالظهـر مستمـره= مانبهتـك انـك علّيـه تمـاديـت .واليـا دمحتلـك الخطـأ كـم مـره = ماهو دليل أني علـى ردك أزريـت وان كان ماينفـع معـاك التشـره = ماينفعك ياحيف . ياعـل . ياليـت غص البحر واكسب من اللـول دره = والا ترى في ليـت ماينبنـي بيـت واللي قبـل خيـره يبـادرك شـره = ماينذخر عونـاً ليـا منـك أبليـت من لا يسـرك بالزمـن لا تضـره = خله يولي واحسبه بالعـرب ميـت واللي بصنـدوق الضمايـر مقـره = لا ترخصه بالسوم يرخص ليا اغليت قلّب موازيـن الدهـر الـف مـره = اي الدهور اللي عليهـا استقريـت شف القمر حولـه نجـوم المجـره = شوف النجـوم وعدهـا لا توريـت تبدلـت مـاعـاد فيـهـا مـبـره = النـاس ماترحـم ليامـن تحلويـت لا تحسب أطعون الحشـا مستقـره = أنا تـرى منهـا تعبـت وتشقيـت واليـا دمحتلـك الخطـأ كـم مـره = ماهو دليل أني علـى ردك أزريـت .
شقى . شقى . لآخر حدود الشقاوه=طعنة غـدر والا أبتسامـات شامـت ! .
مانت شاعر يطرب الاسماع قوله = ولا انت فارس باللقاء يعلن مثوله العذر .. لوجّيه صافين النوايا = الرْجال اللي أتشرفنا فعوله قال عني بالردى عدة ظلايم = ماحسب مخراج راسه من دخوله ماعترضته بالخطأ هو أعترض لي = واقتحّمنا بالخطأ تزحف خيوله أيتجّنى ؟ ولا على مثله حسايف = فوق ذمي ظلم شكك بالحموله أعتقد .. ماعاد باقي به مّناجى = أسمعوني . ياجماعه . واسمعوله ؟ مْـجّـلً ردي ولي عدة ليالي ؟ = أنفض غبار الزعل واللي سعوله أتريث لين ردي يصير وافي = واتحاشى شرهة الناس العذوله خايفً من قول (ابن نايف) تسّرع= والخطأ حْليف للنفس العجوله يوم نخيت الحرف فز الحرف واقف = والبيوت الشامخه محدن ينوله والحثاله لو على ربعي تطاول = ماتطوله .. يا الحثاله .. ما تطوله ربعي اللي باللقاء صعبً لقاهم = تاج رأسك غصب بافعال وبطوله مادخلنا من ظمن حلفك لفايف = شامخين الراس مانقبل ميوله أبك حنا لا زعلنا الكون يزعل = وياقف التاريخ في عرضه وطوله أيه حنا يكتب التاريخ عنا ؟= يشهد التاريخ والناس أشهدوله عزوةٍ من صلب عناز الشهيره = من قبيله عزها في كل دوله من شمال الشام لنجد العذيه = من نهر دجله لـ .. خبير وحّوله وايليً .. صيرميً .. وأتشّرف= من زمان كليب والزير البطوله وايل أول من لبس تاجٍ مرّصع = وارتفع شأن العرب يوم التجّوله مّلكٍ عّقب سلاطين ومّمالك = بالخليج اليُعربي وبكل دوله ذا نسبنا لو تجاهل (يا .....) = عزوةٍ تاطى على العايل نعوله وكان تنشد من عطينا ؟ أو خذينا = من زحول رجال جينا مع زحوله يوم (ابن شعلان) في ربعي تقدّم = راعي العليا ولا تجهل فعوله ارتفع به بالفخر راس القبيله = وارّهب العدوان في فعله وقوله وغير هاك المجد عندك من أربوعي = (الرويلي) ويأخذ التاريخ جوله كل ماقلته من الغيره بشخصي = دوك مني يالردي علمً أطوله والله أني بالمراجل والحميا = مرتوي رغم أنفكم مجد ورجوله ولو بـّدور ضدكم جبت البلاوي = والا انا في راس عالي مانت حوله أسِترْح ياهيه وابواب القضيه ؟= صكها والا ترى بفتح قفوله ؟ . . . . |
الغالي
الشاعر منصور الرويلي الله انه يسعدك ويوفقك بكل خير يسعدني ان اكون اول المصافحين لهذا الكم من الابيات والقصائد ومن ضمنها ابيات المجارات لقد ابدعت فيهن والنعم بقبيلتك ولا يهونون باقي القبائل وصح لسانك وعلا شانك مليون تقبل تحياتي |
الشاعر
منصور الرويلي تناثر هنا حبات لؤلؤ من عقد ثمين صح لسانك وعز شأنك وسلم اليراع ي نبل |
تــــاريـــــخـــــنـــــا مــــــاســـــــطـــــــروه الــــــرعـــــــاديـــــــد=وأمـــجـــادنـــا مــــاهـــــي خـــــيـــــالات وأوهــــــــــام تــاريــخـــنـــا فــــــــــي قـــــمــــــة الـــمــــجــــد تـــأكــــيــــد=رغـــــــم الـــزمــــان ورغـــــــم تــدلـــيـــس الاقــــــــزام لــــــــو الــــزمــــن وجــــهــــه غــــزتــــه الـتــجــاعــيــد=يــبــقـــى جـــديــــد أفـعــالــنــا لـــــــه خـــبــــر هـــــــام حـــــــنــــــــا حــــــــــــــــزام الــــمــــرجــــلــــه والـــــبـــــواريــــــد=وأهـــــــــل الـــمـــواقـــف والــفــعــايـــل والاقــــــــــدام رؤس الـــــرجــــــال الــشــامــخــيـــن الاوالــــــيــــــد=يــشــهــد لـــهـــم بـالــطــيــب مــيــثـــاق الاكـــــــرام أقـــــــوالـــــــهـــــــم مــــاعــــذربــــتـــــهـــــا الــــمــــنــــاقـــــيـــــد=وأفـعـالــهــم بـــاســـم الــفــخــر درع ووحـــســــام (عـــلـــيـــا رويـــــلـــــي) والـــفـــخــــر لـــلاجـــاويــــد=الـلــي لـهــم بـصـمــه عــلــى وجــــه الاعــــلام نـــــــارد ونــــشــــرب مــــــــن عــــــــذي الــمـــواريـــد=ونـــشـــوم عـــــــن هـــرجــــة قـــفــــا كـــــــل نـــمــــام لا غـــــطــــــرفــــــن لــــقــــدومــــنـــــا بــــالــــزغـــــاريـــــد=نــبــيــع غــــــال الــــــروح مــــــن غـــيـــر ســـــــوام وقــفــاتــنـــا وقـــــفـــــات لــــــــــو تـــنـــطــــق الـــبـــيــــد=عـــــــن الــمــغـــازي كــــــــم تــوطــتــهــا الاقــــــــدام فــــــــوق الاصــــايــــل والــعـــيـــال الــصــنــاديــد=أفــعــالـــهـــم تـــبـــقــــى عـــــلـــــى مـــــــــــر الايـــــــــــام والـكــيــف مـــــن بــيـــض الــــــدلال الـبـغــاديــد=صبه لهم . ضرغام . ضرغام . ضرغام يـسـتـاهــلــون الــكــيـــف مــــــــن دون تــحـــديـــد=ربـــعــــي مــداغــيـــش الـــوغــــا تـــرفــــع الــــهــــام والـــشـــعــــر لــــــــــو مـــافـــنــــد الـــمـــجــــد تــفــنـــيـــد=مـــاعـــشـــت لــحــظــاتـــه مــــســـــرات والـــــهـــــام ÷ ÷ |
القدير
منصور الرويلي صح لسانك ولاهنت قصائد جميلة و رائعة كل التقد ير ريف |
المبدع منصور الرويلي
صح لسانك وعز مقامك |
الغالي أبو محمد
أسعـد الله أوقاتك بالخير دائماً سباق للطيب والعلم الغانم وجهك أبيض وكثّر الله من أمثالك . ودي وتقديري |
الشاعر المحترم
منصور الرويلي صح لسانك وعلا شانك قصائد جدا رائعه :r: احترامي وتقديري |
صح لسانك
ولاهنتــ |
| الساعة الآن 01:30PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية