شبكة رهب الأدبية-ريما محمد السديري

شبكة رهب الأدبية-ريما محمد السديري (http://www.rhb-reema.com/vb/index.php)
-   بـيـت الـقـصـيـد (http://www.rhb-reema.com/vb/forumdisplay.php?f=40)
-   -   راس الزعامه (http://www.rhb-reema.com/vb/showthread.php?t=28135)

متعب بن فارس بن طواله 10-03-2011 02:37AM

راس الزعامه
 
بسم الله الرحمن الرحيم

اعزائي القراء الكرام اليكم قصيدتي في المرحله الحاليه لمسابقة شاعر الملك والتي للاسف لم تؤهلني الى 16 رغم انها اقوى من قصيدتي التي اهلتني الى50ولم تروق للجنه الافاضل

(مسابقة شاعر الملك خلت من الربحيه ومن التصويت لاكنهااا لم تخلو من المحسوبيه)!!!!!



من واقع الحاضر مدى صحت القول=الطائفي مافاز لولا عبيره
ياموكب التطوير واصل على طول=اتبع زعيم المملكه بالمسيره
اللي كفوفه تبني المجد وتعول= ابو الارامل والبيوت الفقيره
لو بالعرب مثله يجي كم مسؤل= وضمائر الحكام تشبه ضميره
مادق للفتنه مزامير وطبول= كان العدل ريح قناة الجزيره
حاول يقرب بين بلدان وعقول= القائد اللي فيه نخوه وغيره
العدل لو ينطق به اشادويقول=عبد الله الانصاف مذهب وسيره
خلى الفقر يرحل من الدار مذلول=ونام المواطن بالعيون القريره
كفوف ابو متعب بساتين وحقول= وقلبه ملاذ الملتجي عن هجيره
حصن الضعيف اللي من الريب مذهول= كساه ثوب الامن واصبح نصيره
خلى الفساد بحضرت الحق مخذول= ساد العدل والطاوله مستديره
محيط جود الخير في جوفه اللول= غطى على كل البحور الغزيره
اصل المكارم والعطا قول وفعول= مثل السحاب يجود مانب خيره
يلجا له اللي يشكي الظيم والهول= اليا استجار ولا لقى من يجيره
يجيره اللي للوغا حد مصقول= برقٍ تشادي سلته من جفيره
راس الزعامه لااصبح الهرج مفتول= يدير روس المعترك ماتديره
فجرٍ بنوره يطرد الليل ويزول= تبصر به عيون الظلام الضريره
دمه صخا كفه عطا قربه حلول= فكره مفاهيم السلام وسفيره
قدم لازمات العرب حل معقول=لاكن عقول اهل المأرب صغيره


عبدالعزيز محمد الشلوه 10-03-2011 03:54AM

ابن طواله بيض الله وجهك وصح السانك
قصيدة وافيه
من شاعر له متمكن
لاهنت اخوي

مبارك بن محيا 10-03-2011 05:18AM

صح الله لسااانك
وبيض الله وحهك
وأبو الجميع يستاهل هذي وأكثر
وراي اللجنه مع احترامي لهم نسبي
أي يحتمل الصح والخطأ
بس لو اني في اللجنة
عطيتها الدرجه الكاملة
تقبل تحياتي

متعب بن فارس بن طواله 10-03-2011 05:51AM

اقتباس:

المشاركة الأصلية كتبت بواسطة عبدالعزيز محمد الشلوه (المشاركة 362748)
ابن طواله بيض الله وجهك وصح السانك
قصيدة وافيه
من شاعر له متمكن
لاهنت اخوي

مشكوووور لاهنت اسعدني تواجدك وتعليقك
كل الشكر لشخصك الطيب
دمت بكل خير

سفير المعاني 10-03-2011 06:00AM

الغالي
الشاعر
متعب بن فارس بن طواله

الله انه يسعدك ويوفقك بجميع الاوقات بالخير

ولقد اسعدني ان اكون ضمن المصافحين لهذه

القصيده الباذخه والجميله والاروع من رائعه

من شاعر لمليكه ويستاهل ابو متعب واكثر

من ذلك ولقد فازت القصيدة بدون اللجنة

وصح لسانك وعلا شانك مليون ولا يكفون






وتقبل تحياتي

عبدالله الغنيم 10-03-2011 06:07AM

صح لسانك وبارك الله فيك ..

قصيدة رائعة مميزة ..

فلك خالص التقدير والاحترام ... .

جمرة العرب 10-03-2011 06:13AM

متعب بن فارس
صح لسانك وسلمت على هذا الإبداع ..
سعدت بمروري .. تحيّاتي لك .

متعب بن فارس بن طواله 10-04-2011 05:52PM


كل الشكر لك اخوي ابن محيا لاهنت يالقرم
على روعة تواجدك وتعليقك الرائع
دمت بكل خير

متعب بن فارس بن طواله 10-04-2011 05:57PM

اقتباس:

المشاركة الأصلية كتبت بواسطة سفير المعاني (المشاركة 362765)
الغالي
الشاعر
متعب بن فارس بن طواله

الله انه يسعدك ويوفقك بجميع الاوقات بالخير

ولقد اسعدني ان اكون ضمن المصافحين لهذه

القصيده الباذخه والجميله والاروع من رائعه

من شاعر لمليكه ويستاهل ابو متعب واكثر

من ذلك ولقد فازت القصيدة بدون اللجنة

وصح لسانك وعلا شانك مليون ولا يكفون





وتقبل تحياتي

اشكرك جزيل الشكر لاهنت الله يحفظك
دمت بكل خير

عبير الروح 10-05-2011 10:15AM

شاعرنا القدير

قصيده جزله
من شاعر متمكن

بيض الله وجهك ولاهنت


تقديري لك


الساعة الآن 10:25PM

Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية