عـديــت راس مـشـلوحٍ يـجــذب الـشــوف=نــــاب الـحـجــاء روح الـمـشـقّـى فـتـنـهـا
رجـــمٍ بـــدا فـتــان فـــي مـرقـبــه نــــوف=أم الــوحـــش بـحــمــاه تـبــنــي وكـنــهــا
عــمــرّدٍ يــزمــى عــلـــى رأس قـفــقــوف=يـكـشـف طـــوارف شـامـهـا مـــع يـمـنـهـا
معلولـي ٍمــن نـحــت الأريـــاح مـنـحـوف=فــــي راس عـيـطــا مـكـهـفـاتٍ ركـنــهــا
يـكـشـف غطـالـيـس ومـغــارات وكـهــوف=ويـبــدي عـلـيـك المخـتـفـي مـــن وطـنـهـا
رجـــمٍ بمـرقـابـه راع الـصـنــف مـكـلــوف=مـرقــاب مـــن روحــــه تــزايــد شـجـنـهـا
جلـسـت بظـلالـه عـقــب سـاعــة وقـــوف=يـامــا غـــروب الـشـمـس قـــرّب زمـنـهــا
أديــــر بـأفـكــاري مـواقـيــف وأصــنــوف=وعـــوايـــدٍ ســـيـــل الــتــطــور دفــنــهــا
زاحـت كمـا زاح الطـخـاء ريــح عـاصـوف=أقـفــت بــهــا جــــرد الـسـنـيـن ونـحـنـهـا
عــوايــدٍ هــجــر الـنــيــا لافــهـــا لـــــوف=عـصــر الـتـقـدم سـيــف غــــدره طـعـنـهـا
أقــفـــى عـلـيـهــا دون رحــمـــه ولا روف=وأحــفـــاد أهــلــهــا حـامـلــيــنٍ كـفـنــهــا
بـس الآثـار ورمـس نـقـشٍ عـلـى حـيـوف=لأجـــيــــال دورات الـلــيــالــي مـحــنــهــا
جـريـت مــن صــدري تناهـيـت وحـسـوف=ونـــشـــدت دورات الـمـقــاديــر عــنــهـــا
ويـن الزحـول الـلـي بـهـم يـدحـم الـخـوف=الـلــي نـهــار الــكــون تـحـمــي ضـعـنـهـا
سباع الرجـال اللـي لهـا الصعـب معسـوف=لـيـا أرزم وغــى الهيـجـاء وثــوّر دخـنـهـا
مــا أعـدهـم فــي هالفيـافـي خــذو طـــوف=ولا أعــــد مـضــهــود الـرفــاقــه زبـنــهــا
مــن دونـهـم حـالـت غيـاهـيـب والـجــوف=والـلــي خـلــف ريـــف الهـجـافـا دشـنـهــا
ويـن الجهـام اللـي عـلـى الـعـد مـرصـوف=يـشـمـل قـفــور الـمـرتـفـع مــــع طـمـنـهـا
يـرعـى هَـيَـتْ مــا صفّـقـه كـــل مـزهــوف=وقـــومٍٍ تـنــوش حــمــاه تِـقْـطــع وتِـنْـهــا
ويـن البيـوت الـلـي لـهـا الـقـدر مـحـروف=عــــن الـمـسـيّـر مــــا تـقَــطّــب عـنـنـهــا
بـرفـافـهـا كــيــف الـرجـاجـيـل مـحــيــوف=ومـــن ضَـدّتــه ســــود الـلـيـالـي زبـنـهــا
بــيــوتٍ تـبَّــنــى للـمـسـايـيـر وضــيـــوف=وان طـبـهـا الـخـايــف حـيـاتــه ضـمـنـهـا
ميـسـورهـا يـغـنــي مـعـاويــز وضــعــوف=كــمٍ مـــن ضـريــرٍ جـالــه الـعــون مـنـهـا
اسـلــوم عـنـهـا جـيـلـنـا يـعـلــن عــــزوف=داع الــحــضـــارة والــتــقـــدم رهــنـــهـــا
دارت رحــى شهـب ٍ شـلاهـيـب وعـجــوف=بـيـعـت بـهــا الشـيـمـة رخـيــصٍ ثـمـنـهـا
أدوار وأســـــرار ومــقــاديــر وحـــتـــوف=ســيــرة حــيــاة الــحــي هــــذي سـنـنـهـا
تظـهـر عليـنـا أشـكـال وأنــواع وصـنـوف=تـخـيـف اللـبـيـب الـلــي بـعـقـلـه وزنــهــا
تـفـرقـت شــوفــات وأهــــداف وشــفــوف=والــكــره خــيّـــم بـالـنـفــوس وشـحـنـهــا
وحّل الظلام وصاب شمس الضحى كسوف=وعـقـيَّـلـهـا خــافـــت بــوايـــق خــونــهــا
قـــل الـتـواصـل وإِنمحــى كــــل مــعــروف=وأيـامــنــا كـــثـــرة بــــــلاوي شـطـنــهــا
وعَفـن الرجـال أصبـح شـجـاعِ وعـيـروف=ســبــع الـلــغــات المسـتـحـيـلـة رطـنــهــا
وصـارت علـى الطيَّـب مهامـيـز ووشــوف=وعـلـيـه عَـفــن الـســاس يــامــر ويـنـهــا
وراي الـمـرة مـاخـوذ ورجـالـهـا وقـــوف=تـقــودهــم قـــــود الـعـسـيــف بـرسـنــهــا
الـحـر غــاب وعـــاث بـالـجـول أبـالـعـوف=وأســودهــا بـكــهــوف حـيــفــا خـزنــهــا
ذل الـجـسـور وصـاطــي الـكــف مـكـتـوف=وأهـــل الـسـلـوم الـوقــت غــيّــر لـحـنـهـا
ياحـيـف مــا هـــذا لـنــا مـهــد ووصـــوف=حـيـاتــنــا نــقــطــع بــتــايـــت مـنــنــهــا
أحـفــاد مـــن تـرثــت مـقـاديـم وســلــوف=نـتــبــع غـيــانــا والـنــفــوس بـوهـنــهــا
تــــردت الـهــقــوات والـحــيــل مـتــلــوف=نـــــاسٍ تــــــرواد بـالـرذيــلــة ألـسـنــهــا
تــم الـجـواب ومنـهـج الـهــرج مـكـشـوف=مـــن عـــارف لــــه غــايــةٍ مــــا لـكـنـهـا