تل السعد لامن تعكـّر شرابك=العز سندا و المراجل إجبلـَّه
تدك خيل المعضلات السنابك=بصدورنا ولا حد ٍ فاطن ٍ له
القلب من كثر الشـِّــدَه والمـلابـــك=لو ما الضلوع أقول مهو بمحله
يا قلب ياقلب النقا ما أعابك=تسامحك لا صرت دمّاح زله
من كثر مابك من حميّا ومابك=غش 00 أبغضوك أهل القلوب المغله
( لاتقفل بوجه العزيزين بابك)=ولاتقبل لنفسك حياة المذله
ضاع إجهدك ياقلب ريِّح ركابك=ورى إظهرك و إجدع الآهات كله
الله ويجبر يا السنافي مصابك=لاقلب حـَـزن ولا عيون ٍ مـْـهلــَّه
إنص اللذي ماباع بك و إشترابك=(محمد ٍ)والمرجله مرتك ٍ له
و(المحمدي)دونه نجيد التشابك=وأرواح(شمر)كلها فدوة ٍ له
نلطم إعلمة اللي يجينا يدابك=ونركي على كبد المعادين عله
سلام يامن من يلوذ بجنابك=ماعاد قلبه يطري الخوف للـَّــه
(شمر)يشوفون السعد والذرى بك=يامن يلوذ (الشمري)تحت ظله
قضعيل حلاّل الـعـْـقــَد والشرابك=تفل لولاس الأمور وتحله
وشعر المديح إن قيل فيك إرتقابك=إنتم مواريث المديح وهل ٍ له
وإنتم عمود البيت و إنت الرجاء بك=رجوا اليتيم اللي يشوفك أبو ٍ له
طرزت من سلك التواضع ثيابك=يوم إبعضه ماباقي إلا إتــّـألـّـه
إعداك يا ستر العذارى تهابك=وعمارنا لا ثِوِّرت يرخص ٍ له
كليح يا غش المعادين نابك=و(المحمدي)كل(شمر ٍ )فدوة ٍ له
متشرف أمدح يــ(أخوشاهه)جنابك=وأتشرف إن صغت المديح فمحله
أحيان قولة : يا هلا مرحبا بك=تجلي عن إبن آدم ثمانين عله
إما إنت فكاّت الضـَِيـَق تنهقابك=هديب شيّال الحمول المكِله
يديك ما خِلقت لدك الدنابك=خِلقت تكون السدره ونستظله
أرامكوا لاجات تعطي وسابك=بواصله تخرس و ترجف إدولــّه
وياكن تغرف من رصيد الأوابك=لاأعطت كفوفك والعطاء جايز ٍ له
(صلاح)والنعم بـــ(صلاح الأتابك)=صلاحنا نثني عليه ونجله
و00لا يا الصلاح وفرحة اللي لجابك=لاصارت ظروفي(فلسطين)من له ؟!
(إخوات شاهه)لاتعكَّر شـــــــــــــــرابك=الطيب فيهم والـــــــــــــــــــمراجل إجبله