ان ماركبت الجيب لكزز وانا حي =ابا اعترض فالقبر بعد المماتي
عزي لمن مثلي مداخيله اشوى=ماهيب جايبته وهو كيف ياتي
يبغا هوامير ومالٍ مضحي =وانأ فقير راس مالي عصاتي
وجدي وجود اللي تقافابه الفي=وهو منول راعي الغانماتي
بعد عطى درب ٍ وهو عنه منهي=حده عليه الفقر ييغى الغناتي
مقهور والديان يسرح ويضوي=وإله أًم وخته وحده في البناتي
تقول ياويولي وياويل مثلي=رجلينها ويديانها معوقاتي
تقول اخوي وقالت الها امها اشوي=بكره بعد بكره يجي لاتحاتي
ماتدري ان ابن الحلال امتردي=وان المجي ابعد من الحايماتي
بعد تعرض شلتن وظعها سي=ودربن مسكر من جميع الجهاتي
دربن ماوهب لطيب الحض ممشي=لون قلبه مثل قلب الزناتي
ماهو زمان اسلاح ورماح وعصي=ولاحد يطيح اليوم غير متواتي
ماذكرحينٍ طاح طيحت معدي=ضاقت عليه افجوجها الواسعاتي
تعرضله اغراءت والمال يغري =مليون والجيب اكبرالمغارياتي
قالوا ترى فالجيب طنين وسكي=وكيلو حشيش وفيه طنين قاتي
وليا وصلت اخذ إلِك مليون صافي =الجيب والمليون لك صافياتي
بشرط ماتمرح من الآن تمشي=قال الحياه إكفاح ومغامراتي
مشى وقلبه منكوي بالخطر كي =إمعممن حتى على الطائراتي
بعد مشى خمسين كيلو مقفي=شاف السواحل ينقلون الرماتي
سدد علاه وقال ذاك اتركه لي=وابشر بعزك ياعشير البناتي
رجه علي الكرتيل رج إمتعافي=من مدفعن خلاء حديده حتاتي
وقف محله مامشى ربع سانتي =قال إلحقوا قبل يفوت الفواتي
قبل تغيب الشمس والليل يمسي=رتبه وراتب زين ومكافآتي
وجوله وهو يَصفِق بهاذي على ذي=في همٍ اكبرمن جبال السراتي
صاح ونخى فيهم نخاون تبكي =وشالوه للتحقيق فالمرسلاتي
حسب اعترافه والأدله تكفي=صدر عليه يقص فوق الصفاتي
وأمه على التلفاز وأخته تصلي=قالت تعالي خطبت الشيخ جاتي
في يوم جمعة تسمع الشيخ يدعي=على هل التدمير والموبقاتي
وبعد انتهاء الخطبه وصلى المصلي =جاء موجز الأنباء وبث القانتي
من القضاء الأعلاء صدر صك شرعي=بسمه وهي ترجيه فالمقبلاتي
وبعد الخبر صاحت صياحٍ يجلي=صاحت صياح يشيب المرضعاتي
يُذهل منه من عندها كان يوحي=من البشروالجن والكايناتي
وبعد الصياح اقفت عن الدار والحي=راحت وبعد الشمل راحوا شتاتي
وبقت بعدها البنت والوضع مزري=تقول مالي فايده من حياتي
مالي قريب ولاجليسٍ يسلي=والبيت كل ابوابه مسكراتي
واقرب قرايبها يقول إلك حَلي=تزوجيني مابه مجاملاتي
وخليك في بيتك وانا اروح وأجي=اجي واروح لزوجتي ولبناتي
وشغالتك دايم معك ماتملي=تطبخ وتغسلك نهار وسباتي
قالت بعد بكره تجي في محلي=والمهر تقبل سيتي وحسناتي
قال ادري إن الخير بين وخافي=وانأ اعرفك لكن تحت العباتي
قالت جب المأذون وشهودك شوي=وانا مناي الستر حقق مناتي
قال ابشري بالستر يابنت عمي=يجيك لو دونه سبع قاراتي
ومرت ثلاث سنين والوضع عادي =وفالرابعه صارت من الحاملاتي!
وفي الخامسه وولدت وجابت لها صبي=وفرحت عليه بفرحت الامهاتي
قالت هذا يشبه لخاله معدي=وسِمِي بسم خاله معدي وماتي
ثم قالت امه كل شيٍ جرالي=يعلم به الله عالم الخافياتي
يوم اصبح الصبح ولقوه متوفي=قال امك اللي سمتك ياشفاتي
امك مسميتك على إسمِِ مولي=لوعشت صرت امروج امخدراتي
قالت ترى همي عليهم يكفي =لاتشتمت مالك ومال الشماتي
الصبرمفتاح الفرج عند ربي=مالك عن المكتوب علمٍ ثباتي
بعد الولد جاء بنت لكن ماتمشي=معوقه مثل امها بالصفاتي
قالت حلمت ابجمرتٍ فوقها شي=والجمره اللي شفتها اليوم جاتي
جت وأمها ماتت وهي جرحها ني =تقول جف الماء ومات النباتي
هذا مثل وجدي وماقلت يكفي=الله يثبتنا لقول الثاباتي
ابغا اتمنى والتمني يكفي=الاء إن أمربه خالق الكايناتي
وامر إلى عبدٍ كريمٍ ومسخي=وجابه هديه وقال هاذي زكاتي
ياربي اقبلها زكاة متزكي=وانا بحاجه والله اعلم بذاتي
وين الكريم الي مثل حاتم الطي=ومثل نهر دجله ونهرالفراتي