الصورة اللي شفتها قدّامي = شدة مشاعر فارس الأحلامي
سبحان من صوَّر جمال الهانم = مِن شعرها لين آخمص الأقدامي
يازين طلتها وزين الوقفـه = سيف القصاص مُنفِّـذ الإعدامي
مِن شفتها راحت علومي فيها = مير البلا حظي ردي ماقامي
من دونها الأقفال والترسانه = والحارس المقدام ماينامي
ياقصر تكفى لي طلب لو تسمح = تُرخي متونك يوم اجيلك ظامي
لين اعبرك وآصل مدى غرفتها = يمكن تداوي جرح قلبي الدامي
واشوفها بالعين ثم احضنها = على الشرف والمنهج الإسلامي

المشاركة الأصلية كتبت بواسطة سفير المعاني (المشاركة 353571) الغالي الشاعر سالم محسن الفهمي الله انه يسعدك ويوفقك بجميع اوقاتك بكل خير ولقد اسعدني ان اكون من اول المصافحين لهذه القصيده الاجمل من جميله والاروع من رائعه من شاعر متمكن وله باع طويل بالشعر الجميل وصح لسانك وعلا شانك مليون ولايكفون وتقبل تحياتي

المشاركة الأصلية كتبت بواسطة فواز علي الروقي (المشاركة 353578) صح لسانك على هذا النص الرايع ولاهنت تحياتي لك