هو ليه ما يقنع و يعدل عن ارياه=وهو ليه مايسمع ولا ينحكيله
هو ليه ما ياخذ ويعطي لما جاه=وهو ليه تاه و قام ينفض شليله.!
هو ليه والا ليه هو ماله اشباه=و ألا يبي يقدح برأس الفتيله ؟
نيله على القاضي اذا خان مبداه=وستين نيلة للوجيه العميله ؟
أحد(ن) بعيد ويا توازيت تنصاه=والبعد يعني غير من تنتميله
و أحد(ن) لو انك كل يومٍ تحلاه=يصد عنك وكلكم من قبيله
و أحد(ن) لوانه تاه ماقيل عزاه=و أحد(ن) بليا تيه يا عزتيله !
و يااا سعود ما جيت اجمعه وتهوداه=و يااا سعود ما دلبحت له بالثقيله.؟
ويااا سعود ماني جافل(ن) منه لولاه=ولا خنت به ياسعود والله وكيله
يااا سعود ماشفت أحد(ن) بالردى جاه=بالذات ( أنا ) ما جاه مني خميله
يااااا كثر ما يلغس دغر .. وتحااااشاة=الا اني اعدل ميلته دون ميله
وياكم وكم عمدً(ن) تجاهلة مرماه=أدراه لكن ماش مافيه حيله.!
ومن كثر ماعديت وأغضيت والله=حتى قلمي حسيت .. منه بفشيله
والحبر والقرطاس والدلو ورشاه=وهي نيتي مبعد عن ( أخر وسيله ) ؟
اللي بليا (لز) يقنب من اقصاه=ياسرع ما يفتر وينهد حيله .!
والا الوليدة ما يبي له مداراه=يزهاه مقعاده براس الطويله
ياعل يفدونه هل الجوووووخ والجاه=والعلم والحلم ... و ولآت الفضيله
امدح لان المدح له حووووش يمناه=ولا حب مسح الجوخ يلعن موديله
واللي عجزت افهم وش الراي وياه=عزاه تاااااه .. وقلت .. يا عزتيله